Luka 12:47 - Mawu a Mulluku

⁴⁷ “Mullupa mutteko oyo anadduwella ello apwinnya enapaalliiwa wi eere koma khanakhozeka weera nave khaneera, aneerewuukuthiwa mwawoopiha.

Luka 12:47 ပူးပေါင်းရင်းမြစ်များ

Yakobo 4:17

Muthu anadduwella yaphaama yawi eere koma aheera, yooyo tti oochimwa.

Yohane 9:41

Yesu ahaakhulla wi, “Mwakhanlleke oohoona, khamwaakhalle ni mullatu ekaamba ya machimo. Koma vano kaambiiwa munallota wi munnoona, mullatwaanyu wookhallavove.”

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Yohane 19:11

Yesu ahaakhulla wi, “Khamwaakhallena olamulello va miyaano mwahivahiweke ni Mulluku. Sika muthu oyo akivelleelle wa nyuwaano ookhalla ni machimo muullupalli ohiyana ni nyuwaano.”

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.

Luka 12:41

Petro aallota wa Yesu wi, “Apwiya niphwanaphwanihonna munallota wa hiyaano apaalle wa athu attheene?”

Luka 12:46

vano apwinnya a mullupa muttekoolle eneerophiya va nllapo nno ahinamutiyereeye ni va enthawi eyo ahinadduwelleeye. Apwinnyaalle eneeromuphaddaphadda nave eneeromullaka wonanko athu oohikhulupilila.