Luka 12:42 - Mawu a Mulluku

⁴² Apwiya yahaakhulla wi, “Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Luka 12:42 ပူးပေါင်းရင်းမြစ်များ

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Aheberi 13:7

Muwuupuwelleke oohoollellaanyu ayo yuuhuddihalleni dda othenga wa Mulluku. Muupuwelleke wi yakhalla mwawiidde. Mweeseeseke ottakihera echikhulupililo eyo yaariiwana.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

1 Timoteo 5:17

Attekweene enahoollella phaama yaakhelleke olemu munchichi, makamaka ayo enaphara mutteko moollipa woohuddiha ni woollalleya.

1 Petro 4:10

Arive muthu moollikana ni mmo ariiye kapitawo a emphaso dda Mulluku, amurumeyelleke mukhwaaye ni emphaso eyo aavahiweeye ni Mulluku.

Tito 1:7

Vawi oohoollella mpingo anaphwanella ahikhalle ni yookayikella kaambiiwa olliye ari wonanko kapitawo a munibanjani na Mulluku. Ahikhalle awiitukhulla apaalle awaakuva osha murima apaalle oolezela apaalle a maraapwa apaallettho a nrima na makobiri.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mateyu 20:8

“Vano misikuwa nndduwa nivollowaka mwaneena a ematoolle amulleella kapitawaaye wi, ‘Owiithane allupa mutteko wi waavahe mallivellwiiwa, waambeella ni ayo yaalembiwe moomallihella nave omallihe ni ayo yaalembiwe moowaambeella.’

Ezekiele 34:3

Munnawirya mukaka, munnawara dda obweya nave munniipha enama ddooneneva koma woohiddipwatha enkhosa.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Miyambo 15:23

Muthu annahakallalla ni waakhulla waphaama wa muwano mwaye. Ethiyo mawu oollotiwa mu enthawi yoophwanellella khehiyo aphaama?

Aheberi 3:5

Mose aari oororomelleya va muttekwaaye mu enyumba ettheene ya Mulluku wonanko oorumeyella nave allotille dda ddeko nnddo Mulluku aneereeye allote muhoollo.

1 Timoteo 3:15

Nave kaselliwa, kalatoolla aneeroowoonihani mmo muthu anaphwanelleeye okhallella mu enyumba ya Mulluku, eyo eri mpingo wookumi, opoto ni matthipello a yawoona.

Luka 7:13

Apwiya yamoonilliiwa mutthiyana ookhwelliwooyo yaammorella ethakaraka, ellota wi, “Maalla.”

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Yeremiya 23:4

Kineeroddihiyera abusa ooddiwehera phaama nave kheddiwa ddoovattho apaalle woopopiheya apaalle ohollowa. Mi Apwiya koollota.”

Miyambo 27:18

Oyo anawehera muteekho wanamukuyu aneerocha ezipaso ddiwa. Oyo anaapwatha apwinnya aneerovahiwa olemu.

Miyambo 31:15

Annavenya waayaaka ni osa, anakhozella nibanja naye yoocha, anaakawella yaweera allupa muttekwaaye aatthiyana.

Luka 7:19

Ahaarumiha wa Apwiya wi yamukohe wi, “Ethiyo nyuwaano tti oyo ninamutiyeraahu wi awe apaalle nimutiyereke mmodda?”

Luka 12:43

Oodalisiwa tti mullupa mutteko oyo apwinnya yaawaaka enaamuphwanyiiwa eeraka ddawi ddiidda.

Eksodo 36:4

Vano athu eeruso attheene ayo yaphara mutteko woomakooyo, yaahiya mitteko ddiwa,

Miyambo 12:8

Muthu annariihiwa moollikana ni ezerwaaye koma ookhoromana murima annavevulliwa.