Luka 12:37 - Mawu a Mulluku

³⁷ Oodalisiwa tti allupa mutteko ayo pwiiwa aawaaka anaaphwanyeeye ehinakone, emutiyeraka! Ddawoona, kinimuulleellani wi, pwiiwooyo aneerom'makella laambaaye, aakeraatthiha voochella nave aamba waarumeyella.

Luka 12:37 ပူးပေါင်းရင်းမြစ်များ

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

Mateyu 24:42

“Sika weherakani kaambiiwa khamunadduwella nllapo niwa noophiya Apwiinyu.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

2 Petro 1:11

Mwawi ddiidda muneerewaakhullelliwesesa ovollowa mu omwene woohimalla wa Apwiihu ni Oovullusaahu Yesu Khrisitu.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Yesaya 62:5

Wonanko musombwe anamutthella namwalli, anaawo aallopwana eneerewuutthella weyaano. Wonanko ootthella anamuhakallallella ootthelliwa, Mulluku aneerewuuhakallallella weyaano.

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Afilipi 1:21

Wa miyaano okhalla ni okumi tti omurumeyella Khrisitu. Nave wa miyaano okhwa tti opindula.

Luka 17:8

Khaavo, muneeromulleella wi, ‘Okikhozere yoochaaka nave wiimakelle laambaawo okirumeyelleke ophiyera kimallihalle ocha ni owirya nave oneerocha ni owirya kamalliha miyaano.’

Luka 12:43

Oodalisiwa tti mullupa mutteko oyo apwinnya yaawaaka enaamuphwanyiiwa eeraka ddawi ddiidda.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Luka 12:36

nave mukhalle wonanko allupa mutteko ayo enamutiyera pwiiwa ovenyera o ehakallallo yookwati. Aphiya nave ookotha nchiwi, eneeromuhullella enthawi yeeyo.

Luka 22:27

Muullupalli ttaani? Oyo anacha apaalle oyo anamurumeyella? Tti oyo anacha. Koma miyaano kiri variyari vanyu wonanko oorumeyella.

Yawuupullulla 16:15

“Ngiiwani! Kineeroowa wonanko mullupaawiiya! Oodalisiwa tti muthu oyo ahinakona nave ahinarulla ddoowara ddaye wi khawa eeta oohiwara athu ehoone epwillimwinddaaye.”