Luka 12:33 - Mawu a Mulluku

³³ Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 12:33 ပူးပေါင်းရင်းမြစ်များ

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mitteko 2:45

Yaanakulliha emata ddiwa ni ddeko ddiwa ddoohiyanahiyana, enakawana attheene makobiraayo, ollikana ni ohoowa wa muthooyo.

Luka 16:9

Yesu aallotave wi, “Kinimuulleellani wi, mwiiphwanyelle akhwiinyu voopharihani mutteko eyuuma ya va ellapo yavatthi wi yamalla mwaakhelliwa owaani woohimalla, oddullu.

Luka 12:21

Voomallihani Yesu aallota wi, “Ddinaakhalle ddiiddo ni athu oodduukellellella weekhiiwa eyuuma koma khenakhallattho allupa a eyuuma vamiitthoni va Mulluku.”

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

2 Akorinto 8:2

Yaheesiwa wunchichi ni ddoohoosa yoonilliiwa koma ohakallalla wiwa waari wuullupalli. Nave yaavelleella mwawoollowa matta naari eri oohoowa wunchichi.

Yohane 12:6

Aallotille nndda ohiri kaambiiwa aanaapwatha ohoowa koma kaambiiwa aari mullupaawiiya. Olliye aari oosunga nthumba na makobiri nave aaniiyamo.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Miyambo 13:7

Ookhallavo anaddeesa eeyuuma koma ahinna ello nave mmodda anaddeesa oohoowa koma ari ni eyuuma yinchichi.