Luka 12:28 - Mawu a Mulluku

²⁸ Mulluku sika anareeriha manasi a muhakani ayo enakhallavo ollellove koma osiisello enavokhiwa viikho. Nyu athu eechikhulupililo yooyeva. Olliyoolla khawora wuuwarihani nyuwaano?

Luka 12:28 ပူးပေါင်းရင်းမြစ်များ

Mateyu 14:31

Enthawi yeeyo Yesu ahookolla nnatta naye amuphara amulleella wi, “We muthu eechikhulupililo yooyeva! Kaambiiwa tini wakayikeewe?”

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Mateyu 6:30

Mulluku sika anareeriha manasi a muhakani ayo enakhallavo ollellove koma osiisello enavokhiwa viikho. Nyu athu eechikhulupililo yooyeva! Olliyoolla khawora wuuwarihani nyuwaano?

1 Petro 1:24

Mawu a Mulluku eni, “Athu attheene tti wonanko manasi, oreera wiwa tti wonanko malluwa oohakani. Manasi ennanyaalla, malluwa ennavakareya,

Luka 8:25

Vano aallota wa oohudderaayo wi, “Echikhulupilwaanyu eri wuuwi?” Yahoova ni ottikhina ekohana wi, “Muthu yoolla tti awiidde? Vawi annalamulella naari ephevo ni maaddi nave ddinnamwiiwellella!”

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Mateyu 16:8

Yesu aadduwella yallotiiwa, sika ahaakoha wi, “Munatakhellana ddoohikhalla ni buledi kaambiiwa tini? Nyu athu eechikhulupililo yooyeva!

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Yesaya 40:6

Wahiiweya okhuwa wawi, “Llalleya othenga!” Kaakoha wi, “Killalleye tini?” Okhuwa wulle waari wi, “Ollalleye wi athu attheene tti wonanko manasi, oreera wiwa tti wonanko malluwa oohakani.

Aheberi 6:7

Ethaya eyo enamwaakhella murimu navettho enakhumiha ddoohata ddaphaama wa oollima, ethayeeyo ennadalisiwa ni Mulluku.