Luka 12:21 - Mawu a Mulluku

²¹ Voomallihani Yesu aallota wi, “Ddinaakhalle ddiiddo ni athu oodduukellellella weekhiiwa eyuuma koma khenakhallattho allupa a eyuuma vamiitthoni va Mulluku.”

Luka 12:21 ပူးပေါင်းရင်းမြစ်များ

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Habakuku 2:9

Otulli wa oyo ari ni eyuuma yoovenyera mu yoophura yoophwanyeya moohilungama, annayikusella o enyumbaaye yavaddullu vooganizani wi ookhalla ni murendelle.

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Luka 16:11

Vano muriinyu oohiroromelleya voopharihani mutteko eyuuma ya va ellapo yavatthi, ttaani anuuvaheni eyuuma yawoona?

Luka 6:24

“Koma ootulli tti nyuwaano muri ni eyuuma, vawi mohaakhella khalle yowuuhakallallihani.

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

Miyambo 13:7

Ookhallavo anaddeesa eeyuuma koma ahinna ello nave mmodda anaddeesa oohoowa koma ari ni eyuuma yinchichi.

1 Timoteo 6:9

Nave ayo enapaalla okhalla eeyuuma eneereweesiwa nave ennamakiwa m'millapani dda minkhella ddinchichi ddoovoreya ni ddookarangeya. Ddenndda ddinnaweeriha athu ovollowa mu ddoohoosa ni ddawoononga.