Luka 12:20 - Mawu a Mulluku

²⁰ Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Luka 12:20 ပူးပေါင်းရင်းမြစ်များ

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Yobu 27:8

Viri etiyerello yawiidde oohimoova Mulluku aphadderiwa okumi, Mulluku amwaakha okumaaye?

1 Timoteo 6:7

Vawi khanaawiillena ello navolloweehu mu ellapo yavatthi nave khaninaworattho okusamo ello vookhumanimoni.

Masalimo 39:6

Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

Yakobo 4:14

Khamunadduwella wi osiisello okumaanyu onaakhalle mwawiidde! Nyu muri wonanko mwiisi, oyo onooneya enthawi yooyeva nave vano opallalleya.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Luka 11:40

Nyu ookarangeya, ethiyo Mulluku oyo aapangille otte khahiyo yooyo aapangillettho muwari?

Masalimo 73:19

Eneerewoonongeya va enthawi yooyeva, eneeromalla moorurumusa.

Nahumu 1:10

Oolezelaalla eneeroshellellihiwa wonanko miiwa ni mapallaka awumma.

Miyambo 28:8

Oyo anaanjerera eyuumaaye voowoonjererani makobiri vaddullu va ekongoli, anamuukellella muthu anaweerella echifundo oohoowa.

Miyambo 11:4

Eyuuma khenakavihera va nllapo na osha murima koma echilungamo sika enavullusa wuukhwaani.

Masalimo 78:30

Koma ekhwillwiiwa ehinamalle, ehinamirye ni omirya wene yoochiiweeyo,

Estere 5:11

Vano Hamani ahiitukhulla ekaamba ya waata eyuumaaye, waata wa anaaye aallopwana ni olemu oyo mwene amuvahilleeye navettho ni wi mwene aamunnuwiha waakhwaranya attekweene attheene ni allupa mutteko attheene amwene.

Masalimo 49:10

Ddawoona, arive muthu annoona wi naari eezeru ennakhwa, emoddamoddave yeeyo ookarangeya ni oolloddowa, attheene ennaahiyera amodda eyuumiiwa.

Miyambo 10:2

Eyuuma yoochimo khenapinduliha koma echilungamo ennavullusa wuukhwaani.

Miyambo 13:7

Ookhallavo anaddeesa eeyuuma koma ahinna ello nave mmodda anaddeesa oohoowa koma ari ni eyuuma yinchichi.

Miyambo 27:1

Ohikotelleke ddoosiisello vawi khonadduwella nllapo nimoddanno ninaaphatuse tini?

Yesaya 56:12

Oolezela awi ddiiddaalla enallota wi, ‘Hankoni nimuwirye vinyo, hankoni niwirye ddoowirya ddoowalli ophiyera nivone. Osiisello onaakhalle wonanko ollello apaalle ttuuriya okhwaranya ollellova.’ ”

Amosi 6:13

Muniitukhulla wi mwaawugonjiha muzinda wa Lodebara, munallota wi, “Ethiyo khanaagonjihalle muzinda wa Karinaimu weekhiihu?”

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.