Luka 12:19 - Mawu a Mulluku

¹⁹ Vano kineerollota wa murimaaka! Wookhalla ni ddeko ddookwakhwana miyakha ddinchichi. Sika ithuuwa, oche, owirye, ohakallalle.’

Luka 12:19 ပူးပေါင်းရင်းမြစ်များ

Miyambo 27:1

Ohikotelleke ddoosiisello vawi khonadduwella nllapo nimoddanno ninaaphatuse tini?

1 Akorinto 15:32

Moollikana ni oganiza wa athu, yoowanella ni enama ddamuhakani wonanko keerelleemi wa Efeso tti tini? Nave athu ookhwa yaarimi ehivenyihiwe vano hankoni neere wonanko mmo athu enallotelliiwa wi, “Hankoni niche nave niwirye vawi osiisello nineerokhwa.”

Yesaya 5:11

Otulli wa athu ayo enavenya ohinase enathamakella yoowirya yoolezeliha, ayo enawirya ophiyera mahiiyu nave ophiyera elezenle wunchichi.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Yakobo 5:5

Mohiichella va ellapo yavatthi ni eyuuma. Mohiineneviha okhozekella nllapo nawiiphiwa.

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Miyambo 18:11

Eyuuma ya muthu ootukhuwa tti muzindaaye woollipa nave anaganiza wi tti esiri yoorekama.

Masalimo 62:10

Muhiroromelleke dda echiwawa wi ddineerewuukaviherani, muhiganize wi wiiya muneerophurana ello, eyuuma yaata muhinahiyavo murima.

Yawuupullulla 18:7

M'muhoose ni omumoriha ethakaraka ddawinlliha moollikana ni eyuuma owaaka ddoohakallalliha iivahilleeye yeekha. Vawi annallota yeekha wi, ‘Vano ngakiweheni, miyaano tti mwene aamutthiyana, ngihiyo naamukhwelle ngiwa kikumana ni ddawinlliha.’

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

2 Timoteo 3:4

Enaakhallettho oohiroromelleya, oohoova erive ello, awiitukhulla, ookonda minkhella dda vatthimva ohikhalla oomukonda Mulluku.

Hoseya 12:8

Efuremu aallota wi, ‘Kootukhuwa, kookhalla ni eyuuma yinchichi, khaphwanya mullatu mwa miyaano va eyuumaaka.’

Yesaya 22:13

Koma mwaahakallalla ni weelliwa murima, mwahiipha eng'ombe ni enkhosa, muddittakhunana nave mumuwirya vinyo. Mwaallota wi, “Hankoni niche nave niwirye vawi osiisello nineerokhwa.”

Yesaya 5:8

Otulli wa athu ayo enoonjerera okulla enyumba ni emata ddittheddene ophiyera waakha mapuro mattheene wi ellapo ekhalle yayiwayayiwa.

Miyambo 23:5

Onawehella tini eyo ehiiwo? Vawi eyuuma ennamella muuphello wonanko mpungu onavava muddullu.

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

1 Timoteo 5:6

Koma naamukhwelle oyo anahakallalliha minkhella dda yeekha, ookhwa khalle naari ari ni okumi.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Luka 16:19

“Waakhalla muthu mmodda eeyuuma oyo awara ddoowara ddoowallamella mutengo nave nllapo ni nllapo aanakhoza machellello a ddoocha ddinchichi.

Habakuku 1:16

Ennaallapellattho mathaviiwa ni waaheraatthella mukutho ekaamba yawi ennaavaha erive ello yaphaama, ennaachiha ni waavoniha ddaphaama.

Masalimo 49:18

Naari addeesaka oodala akhalla mukumi, naari avahiweke olemu ddeko ddaamweetellaka phaama,

1 Samuele 30:16

Nave olliye aamuvelleella Davide wa alliwaayo. Enthawi yeeyo Aamaleke yaari epallalleyelle virive veko. Yaari echaka, ewiryaka ni yiinaka ekaamba ya nnddo yaakhilliiwa mu ellapo ya Afilisti ni ellapo ya Ayuda.

Miyambo 10:2

Eyuuma yoochimo khenapinduliha koma echilungamo ennavullusa wuukhwaani.

Oollalleya 2:24

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye. Kaadduwella wi ddenndda tti ddoovenyera wa Mulluku.

Yesaya 56:12

Oolezela awi ddiiddaalla enallota wi, ‘Hankoni nimuwirye vinyo, hankoni niwirye ddoowirya ddoowalli ophiyera nivone. Osiisello onaakhalle wonanko ollello apaalle ttuuriya okhwaranya ollellova.’ ”

Amosi 6:13

Muniitukhulla wi mwaawugonjiha muzinda wa Lodebara, munallota wi, “Ethiyo khanaagonjihalle muzinda wa Karinaimu weekhiihu?”

Luka 12:18

Nave aallota wi, ‘Kinaweere ddiidda, kineerokumulla ekhokwe ddaka, kimake dduullupalli, kihiyemo ddoohata ddaka ni eyuumaaka.

Miyambo 14:24

Othuviwa wa athu eezeru tti eyuuma koma okarangeya wa oolloddowa tti okarangeya.