Luka 12:15 - Mawu a Mulluku

¹⁵ Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Luka 12:15 ပူးပေါင်းရင်းမြစ်များ

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Miyambo 15:16

Tti waphaama okhalla ni ddooyeva owoovaka Apwiya okhwaranya okhalla ni eyuuma yinchichi koma okhallaka mu ddookatamiha.

Miyambo 16:16

Ophwanya ezeru tti waphaama okhwaranya omuphwanya golide nave ophwanya wiiwesesa tti waphaama okhwaranya omuphwanya siliva.

2 Timoteo 3:2

Vawi athu enaakhalle awiikonda, ookonda makobiri, ookota, awiinyarulla, oonyaambusa, oohiwiiwellella makhollwiiwa, oohithokoza ni ooheella murima.

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

Luka 8:14

Mmiddo wamorenlle variyari va miiwa onaphwanaphwana ni athu ayo yiiwalle mawu a Mulluku. Koma vatulli viwa ennakhuneelliwa ni ddookhupanyiha ni ddoohakallalliha okumi ni okonda eyuuma. Nave ezipaso ddiwa khaddinawaraalla.

Masalimo 62:10

Muhiroromelleke dda echiwawa wi ddineerewuukaviherani, muhiganize wi wiiya muneerophurana ello, eyuuma yaata muhinahiyavo murima.

Masalimo 37:16

Ohoowa wa oolungama tti waphaama okhwaranya eyuuma ya oonanara.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

Mariko 7:22

echigololo, nrima, ddittheddene ddoonanara, olleka, makhallello oonanara, ehache, ollotella amodda epewe wiitukhulla ni okarangeya;

Habakuku 2:9

Otulli wa oyo ari ni eyuuma yoovenyera mu yoophura yoophwanyeya moohilungama, annayikusella o enyumbaaye yavaddullu vooganizani wi ookhalla ni murendelle.

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Yobu 2:4

Satana awaakhulla Apwiya wi, “Mwiilli olliva mwiilli. Muthu ttuuddivelleella ddittheddene ariiyena wi akhalle ni okumi.

Yoswa 7:21

Variyari va eyuumeelle, kahoonavo mukanjo wooreera wa o Babiloni ni makilogaramu meelli a siliva navettho mwitthi wa golide woollemella hafu kilogaramu. Ddittheddenenndda kaaddipaalla wunchichi nave kaaddaakha. Muneeroddiphwanya variyari va musasaaka mvo kiddivitthalleemi. Muneeromuphwanya siliva vatthi va ddeko ddimoddannddo.”

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Mika 2:2

Ennaakha emata enaddisililiiwa nave ennaakhattho enyumba enaddikhumbiiwa. Ennamukatamiha muthu ni nibanja naye ni owaakha yoohallaniiwa.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Miyambo 28:16

Oolamulella oohiiwesesa annanyingallella mweekuku koma awiitana ni opindula woonanara annarekamiha mallapwaaye.

2 Petro 2:14

Enthawi ddittheddene miitthwiiwa enakhalla va weera ddooraruwa nave minkhella ddiwa ddoochimwa khaddinakwakhwanihiwa. Ennaalleka athu oohikeraattheya. Mirima ddiwa ddaahuddihiwa okhalla a nrima. Tti ootembeleliwa ni Mulluku!

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Luka 12:16

Vano ahaalleella niphwanaphwaniho, nawi, “Emata ya muthu eeyuuma mwaakhalla ddoohata ddinchichi.

1 Mamwene 2:40

aamuwella bulwaaye aya wa Akishi o Gati wi awaashaashe akaporwaaye. Ahaaphwanya nave ahaahokollosella owaniwa.