Luka 12:11 - Mawu a Mulluku

¹¹ “Yaawuukusakani wi yawiipeni millatu mu enyumba ddamavekello* apaalle wa attekweene oolamulella, muhikhupanyeke wi munaaye mwallote tini apaalle munaallote mwawiidde.

Luka 12:11 ပူးပေါင်းရင်းမြစ်များ

Luka 12:22

Vano Yesu aallota ni oohudderaaye wi, “Sika tti kaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle dda mwiillaanyu wi munaaware tini?

Mateyu 23:34

Ekaamba ya yeella kineerewuurumihellani anamallotella ni athu eezeru ni ahuddihi. Amodda a yaayo muneerowiipha, amodda muneerewaatthomeya vamutandani nave amodda muneerewaawashulla mu enyumba ddanyu ddamavekello ni waathamakiha ovenyera o etawoni emodda ophiya o etawoni emoddeeyo.

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

Mateyu 6:25

“Ella sika ekaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle munaawirye tini apaalle dda mwiillaanyu wi munaaware tini? Ethiyo okumi khonakhwaranya yoocha? Navettho mwiilli khonakhwaranya yoowara?

Mateyu 6:27

Ttaani a nyuwaano anaanjerere okumaaye nllapo nimodda vookhupanyani?

Mateyu 6:28

Nave kaambiiwa tini munakhupanyeenyu ekaamba ya ddoowara? Ganizerani wunnuwa wa malluwa a muhakani, khenaphara mutteko apaalle wiisowella weekhiiwa ddoowara.

Mateyu 6:31

“Sika muhikhupanyeke wi, ‘Yoochaaka enaavenyere wuuwi? Yoowiryaaka enaavenyere wuuwi? Ddoowara ddaka ddinaavenyere wuuwi?’

Mateyu 6:34

Vano muhikhupanyeke ni ddoosiisello vawi osiisello oneerewiikhupanyella mwa weekhiiwa mookwakhwanella. Nirive nllapo nookhalla ni ddookatamiha ddaye ddookwakhwanella.