Luka 11:49 - Mawu a Mulluku

⁴⁹ Ella sika ekaambiiwa Mulluku aallotilleeye mweezeru wi, ‘Kineerewaarumihella anamallotella ni amurummwa nave amodda a yaayo eneerewiiphiwa amodda eneerohoosiwa.’

Luka 11:49 ပူးပေါင်းရင်းမြစ်များ

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Akolose 2:3

Olliye tti yoohullella ya eyuuma yoovittheya ya ezeru ni odduwella wa Mulluku.

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

1 Akorinto 1:24

Koma wa ayo yiithaniwe ni Mulluku, Ayuda ni athu ayo ehiri Ayuda, Khrisitu tti masiva a Mulluku ni ezeru ya Mulluku.

Mitteko 22:20

Nave mbonaanyu Sitefano iiphiweeye, miyaano meekha kaari vaavo, kaakhullellakana ni wiiphiwa waye nave owehera ddoowara dda ayo yamwiiphaayo.’

Mitteko 8:3

Koma Saulo aheeseesa woononga mpingo. Aavollowa mu enyumba ddittheddene aapurullamo ookhulupilila attheene, allopwana ni atthiyaneene nave aahiya mundende.

Mitteko 7:57

Attekweene a va nthato namillatu yaakhuwa ni mawu oowella nave yaatiyella m'maaruni mwiiwa ni matta. Vano attheenaayo vamodda yaamuthamakella.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Mateyu 22:6

Amoddaalle yahaaphara allupa muttekwaalle ewuukutha nave ewiipha.

Yeremiya 7:25

Waambeella nllapo makhollwaanyu yakhumalliiwa mu ellapo ya Iguputo ophiyera ollello kookhalla kuurumihellakani amurummwaaka, anamallotella.

Luka 11:48

Sika nyuwaano tti amboni wi makhollwaanyu yaawiipha alliwaayo voomakani mahamaayo.

Mitteko 11:27

Vano mallapo yaayo anamallotella o Yerusalemu yaaya o Antiyokeya.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!