Luka 11:39 - Mawu a Mulluku

³⁹ Vano Apwiya yaallota wi, “Nyu Afarisi, munnahuwa otte wa kapu ni embale koma muwari mwanyu muddanlle nrima ni ddoonanara.

Luka 11:39 ပူးပေါင်းရင်းမြစ်များ

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Tito 1:15

Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Miyambo 30:12

Vookhalla amodda enaddeesa aweella koma khenavenyihe ddoonanara ddiwa.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Agalatiya 1:14

Voollapellani mu Eyuda, kahaakhwaranya Ayuda akhwaaka anchichi oophwanaphwanana miyakha nave kaari ookonda wunchichi ehuddiho dda makhollwaahu.

Yohane 12:6

Aallotille nndda ohiri kaambiiwa aanaapwatha ohoowa koma kaambiiwa aari mullupaawiiya. Olliye aari oosunga nthumba na makobiri nave aaniiyamo.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Luka 7:13

Apwiya yamoonilliiwa mutthiyana ookhwelliwooyo yaammorella ethakaraka, ellota wi, “Maalla.”

Zefaniya 3:3

Enduna ddaye ddaanathuruma muwari mwiwa wonanko mikango, aweeruzaaye yaari wonanko akhatwe aweeteeta misikuwa, oohihiya nikhuva wi niphiyere ohinase.

Ezekiele 22:27

Oohoollellaaye tti wonanko akhatwe ookhaddulla enama, ennakhumiha nikhame ni woononga okumi wa athu wi ephwanye mphuro woonanara.

Ezekiele 22:25

Oohoollellaaye tti wonanko mikango ddoothuruma voopharani enama. Aawiipha athu, ahaakha eyuuma ni ddeko ddoowallamella mutengo ni waatthattusa atthiyana anchichi anaamukhwelle m'muzindanimmo.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Miyambo 26:25

Aaddivihaka mawaaye ohimuroromelle vawi m'murimani mwaye mooddalla ddoonanara khumi ni piilli.

Masalimo 22:13

Aakaatthamella eyano wonanko mukango oyo onathuruma voopaallani okikhaddulla.

2 Epilli 25:2

Vano aheera ddoolungama vamiitthoni va Apwiya koma ohiri ni murima woororomelleya.

2 Timoteo 3:5

Eneereke wooneya wonanko oollapella koma masiviiwa yahaakhoota. Athu yaayo ohaathwareke.

Yohane 13:2

Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Miyambo 26:23

Eyano yawoollowa ni murima woonanara tti wonanko embale yathaya yoomariwa otooto wa siliva.

Luka 7:19

Ahaarumiha wa Apwiya wi yamukohe wi, “Ethiyo nyuwaano tti oyo ninamutiyeraahu wi awe apaalle nimutiyereke mmodda?”