Luka 11:36 - Mawu a Mulluku

³⁶ Mwiillaanyu muttheene waddalliwa owala, ohikhalla ni epiphi vaamodda vene oneeromolleella virive veko wonanko enyali yaawuumolleellaka weyaano.”

Luka 11:36 ပူးပေါင်းရင်းမြစ်များ

Miyambo 20:27

Munepa wa muthu tti enyali ya Apwiya onnamolleella dda muwari mwa murima wa muthu.

Miyambo 6:23

Vawi malamulo tti enyali, malangizo tti owala nave ohumullulla tti ettilla yookumi.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Miyambo 1:5

Miyambonndda ddinnamoonjerera muthu eezeru odduwella nave ddinnamuhoollella muthu ohuddera phaama.

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

Aheberi 5:14

Yoocha yoollipa tti ya athu oowaraalla ayo oweella mu ddookumanana ddiwa enawora ohiyaniha yaphaama ni yoonanara.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Mateyu 5:15

Khaavo muthu anakhariha enyali, ayikhuneella ni muno koma anahiya va yoohiyavo enyali, mvo enamumolleelliiwa arive muthu mpammo.

Luka 11:35

Chenjerani wi owala ori mwa nyuwaano ohitthattuwe epiphi.

Luka 11:37

Yesu amallihalleeye ollota, Mufarisi* mmodda aamwiithanella yoocha owaniwa. Aavollowa mpa nave aakeraatthi voochella.