Luka 11:34 - Mawu a Mulluku

³⁴ Miitthwaanyu tti wonanko enyali ya mwiilli. Miitthwaanyu yakhalla aphaama mwiillaanyu muttheene onnaddalliwa owala koma miitthwaanyu yaahikhalla aphaama mwiillaanyu onnaddalliwa epiphi.

Luka 11:34 ပူးပေါင်းရင်းမြစ်များ

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Masalimo 119:18

Hullani miitthwaaka wi koone ddoottikhiniha ddoovenyera mu malamulwaanyu.

Akolose 3:22

Akaporonyu muwiiwellelleke apwiinyu a vatthimva mu ddeko ddittheddene, ohiri yaawuuweherakanive kaambiiwa munapaalla mwaahakallallihe nave mweereke ni murimaanyu muttheene ekaamba ya owoova wanyu Apwiya.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Yeremiya 5:21

nyu anamwani ookarangeya, oohikhalla ni ezeru, apellani maaru. Miittho mookhallana koma khamunoona nave maaru mookhallana koma khamuniiwa.”

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Mariko 4:12

Nndda ddiri ddiidda wi, ‘Ennaweha, koma khenoonesesa, nave enniiwa, koma kheniiwesesa. Vawi yeerilleke ddiiddo yaaweerorukunuwella wa Mulluku nave aaweerewaakhululukella.’ ”

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Mariko 8:18

Mookhalla ni miittho koma khamunoona? Mookhalla ni maaru koma khamuniiwa? Ethiyo khamunuupuwellave?

Yesaya 44:18

Athu awi ddiidda khenadduwella ello nave kheniiwesesa naari vang'ono. Miitthwiiwa yoomarelliwa wi ehoonena. Khenna ezeru wi ehiiweseseke.

Mitteko 13:11

Vano Apwiya eneerewuullaka weyaano nave oneerokhalla oohoona sika khawoona nndduwa wa mwaneenthawi.” Enthawi yeeyo m'mwiitthoni mwa Elamasi mwaawa epiphi nave aamba owaasha athu awi emuhoollelleke.

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Masalimo 81:12

Sika kahaahiya ni mirima ddiwa ddawuumannddo wi ethwareke nnddo yapaalliiwa.

Aefeso 6:5

Akaporonyu, muwiiwellelleke apwiinyu a va ellapo yavatthi moovelleella olemu wunchichi. Nave mweereke ddiiddo ni murimaanyu muttheene, wonanko munamurumeyella Khrisitu.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mariko 7:22

echigololo, nrima, ddittheddene ddoonanara, olleka, makhallello oonanara, ehache, ollotella amodda epewe wiitukhulla ni okarangeya;

Yesaya 42:19

Ttaani ari oohoona koma ari oorumeyellaaka? Ttaani ari oohiiwa koma ari amithengaka kinamurumeemi? Ttaani ari oohoona koma kakeraatthihana echipangano? Ttaani ari oohiiwa koma tti oorumeyella a Apwiya?

Miyambo 28:22

Muthu anrima annapaalla okhalla ni eyuuma mwawaakuva oohidduwella wi ohoowa oneeromumorella.

Genesis 19:11

Vatulli viwa yahaallaka ni ohoona allopwana attheene ayo yiimellille vaattemvo, asombwe ni awuulluvalleene vawi kheyaaworillettho woona mullako.

Miyambo 21:4

Wiitukhulla ni wiinyarulla tti enyali ya oonanara, tti nichimo.

Yesaya 5:20

Otulli wa athu ayo enaddeesa ddoonanara wi tti ddaphaama nave ddaphaama wi tti ddoonanara, ayo eneesa epiphi wi tti owala nave owala wi tti epiphi ayo eneesa ddoowaawa wi tti ddooddiva nave ddooddiva wi tti ddoowaawa.

Luka 11:35

Chenjerani wi owala ori mwa nyuwaano ohitthattuwe epiphi.