Luka 11:13 - Mawu a Mulluku

¹³ Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

Luka 11:13 ပူးပေါင်းရင်းမြစ်များ

Mateyu 7:11

Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

Miyambo 1:23

Apellani maaru kaawuuhumullullakani vawi kinapaalla wuulleellani ddiri m'murimani mwaka nave mudduwelle maganizwaaka.

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

Yesaya 49:15

Apwiya yahaakhulla wi, “Ethiyo mutthiyana ttuumutiwalla mwanaye awaamwa apaalle oohimweerella echifundo mwaana oomuyara yeekha? Naari amutiwanlle mwanaye, miyaano, ngiwa kuutiwallani.

Mateyu 6:14

“Mwaakhululukella ayo yuulakwenlleni, Attiitthaanyu ooddullu eneerewuukhulukellanittho.

Mateyu 6:32

Athu oohimullapella Mulluku ennakhupanya dda ddeko ddenndda. Attiitthaanyu ooddullu ennadduwella wi munnapaalla ddeko ddittheddenenndda.

Luka 11:2

Nave Yesu aallota wi, “Mwaavekellaka, mulloteke wi, ‘Attiitthiihu, nnddina nanyu naweella nititimihiwe, omwenaanyu owe.

Mateyu 6:30

Mulluku sika anareeriha manasi a muhakani ayo enakhallavo ollellove koma osiisello enavokhiwa viikho. Nyu athu eechikhulupililo yooyeva! Olliyoolla khawora wuuwarihani nyuwaano?

Mateyu 5:45

wi moonihe wi muri anamwani a Attiitthaanyu ooddullu. Vawi annoopiha nndduwa wa athu oonanara ni aphaameene nave annamurupiha murimu wa ayo eneera ddoonanara ni wa ayo eneera ddaphaama.

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Aroma 7:18

Vawi kinnadduwella wi yaphaama khenakhalla mwa miyaano, muthu. Vawi naari kaapaallaka weera yaphaama, nginawora weera.

Aroma 5:17

Tti ddawoona wi ekaamba ya nichimo na muthu mmodda, okhwa onnalamulella ekaamba ya muthu mmodda yooyo. Koma ddoothwarellella enre muthu mmodda, Yesu Khrisitu, tti dduullupalli. Athu attheene ennaakhella echisomo yuullupalli ya Mulluku nave ennalungamihiwa nave ennaakhella okumi woohimalla oweella mwa olliyooyo.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Luka 11:12

Apaalle uuvekani nooche munaamuvahe namukalizi?

Luka 18:7

Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye.