Luka 10:42 - Mawu a Mulluku

⁴² Koma ello emoddave sika enapaalleya. Mariya ootthoolla ello yaphaama, yawi khawattho aakhiwa.”

Luka 10:42 ပူးပေါင်းရင်းမြစ်များ

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Masalimo 73:25

Ethiyo kiri ni aani oddullu mwaahikhalla nyuwaano? Vatthimva kheviri erive ello eyo kinayipaalleemi koma nyeeneve.

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Mariko 8:36

Muthu anaapindulevo tini aakhella ellapo yavatthi ettheene atathilla okumaaye?

Masalimo 142:5

Nyu Apwiya, kinnawinllellani kinnallota wi, “Nyu sika woothawellawo waka, yoohallanaaka mu ellapo ya athu ookumi.

Deuteronomo 30:19

Ollello kinuuvahani mpata wi mutthoolle okumi apaalle okhwa, madaliso apaalle matembelelo. Oddullu ni ellapo yavatthi sika ddinaakhalle amboni awuuvaanyihani. Sika tthoollani okumi,

Masalimo 119:30

Miyaano kootthoolla wi kikhalleke oororomelleya, kohaasunga malamulwaanyu m'murimani mwaka.

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Masalimo 119:111

Malamulwaanyu tti yoohallanaaka yoohimalla, ddawoona, enahakallalliha murimaaka.

1 Akorinto 13:3

Naari kikaweke ddeko ddaka ddittheddene nave naari kivelleelle mwiillaaka wi woosiwe, koma kaahikhalla ni echikondi yaakayaaka khekhallavo.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Yoswa 24:22

Vano Yoswa ahaalleella wi, “Nyu munaddeerella nyookha omboni wi mutthoollille waarumeyella Apwiya.” Athwaayo yahaakhullella wi, “Ee amboni tti yeekhiihu.”

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Masalimo 119:173

Nnatta nanyu nikikavihere vawi kootthoolla malamulwaanyu.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Luka 16:2

Sika apwinnyaayo yaamwiithana ellota wi, ‘Kiniiweeminndda dda weyaano tti ddawoona? Kitthopoollelle dda muttekwaawo muttheene va eyuumaaka vawi khovirellella okhalla mullupa muttekwaaka.’

Luka 10:39

Aakhalla ni mwanamunne nnddina naye Mariya. Mariyooyo aakeraatthi vakhuviru ni Apwiya iiwellellaka nnddo yahuddihiiwa.

Luka 11:1

Nllapo nimodda Yesu aavekella vanipuroni nimodda nene. Amallihalleeye, mmodda a oohudderaaye allota wi, “Apwiya nihuddiheni ovekella wonanko Yohane aahuddihalleeye oohudderaaye.”

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Yohane 11:1

Muthu mmodda, nnddina naye Lazaro aamavoriiwa. Akhalla o Betaniya, m'muzi mmo Mariya ni mwanamunne Marita yakhalliiwa.

Yohane 11:19

Nave Ayuda anchichi yaari ewiille wa Marita ni Mariya wi yaakhurumuse murima ekaamba ya okhwa wa Lazaro.

Yohane 12:3

Vano Mariya aakusa makhura a nthuko naphaama oowallamella mutengo oopangiwa ovenyera o ddoomella ddooromolliwa narido ookwakhwana hafu lita. Aazoza manyallo a Yesu ni waapukuta ni meehaaye. Nthuko nawunkhella na makhura yaayo naaddalla mpa mutthemwene.