Luka 10:39 - Mawu a Mulluku

³⁹ Aakhalla ni mwanamunne nnddina naye Mariya. Mariyooyo aakeraatthi vakhuviru ni Apwiya iiwellellaka nnddo yahuddihiiwa.

Luka 10:39 ပူးပေါင်းရင်းမြစ်များ

Luka 8:35

Athu yaakhuma wi yoone yeereyeeyo. Yaphiyalliiwa wa Yesu, yaamoona muthu oyo minepa ddoonanara ddaakhumalle mwa olliyooyo akeraatthille vakhuviru ni Yesu. Aari awanre phaama, ari ni maganizo aphaama. Nave attheenaayo yahoova.

Miyambo 8:34

Oodalisiwa tti oyo anakaapella maaru, anawehera va millako ddaka nllapo ni nllapo, anatiyerella voovollowella vaka.

Yohane 12:3

Vano Mariya aakusa makhura a nthuko naphaama oowallamella mutengo oopangiwa ovenyera o ddoomella ddooromolliwa narido ookwakhwana hafu lita. Aazoza manyallo a Yesu ni waapukuta ni meehaaye. Nthuko nawunkhella na makhura yaayo naaddalla mpa mutthemwene.

Mitteko 22:3

“Mi tti Muyuda, ooyariwa o Tariso o Silisiya nave kallelliwe o Yerusalemu weewuno. Gamaliyeli sika aari muhuddihaaka nave olliye aakihuddiha moollikana ni malamulo ookatamiha a makhollwaahu nave kaari owiivelleella moollikana ni malamulo a Mulluku wonanko attheene nyu muri vaava ollello.

Luka 2:46

Va nllapo naneeraru yaamphwanya mu enyumba ya Mulluku, akeraatthille variyari va ahuddihi a Ayuda, awiiwellellaka, aakohakattho makoho.

Deuteronomo 33:3

Apwiya ennaakonda athwiiwa oopatuleyiiwa attheene eri m'mattani mwiwa. Athwaayo ekeraatthille vatthi, enahuddera mawiiwa,

Yohane 11:1

Muthu mmodda, nnddina naye Lazaro aamavoriiwa. Akhalla o Betaniya, m'muzi mmo Mariya ni mwanamunne Marita yakhalliiwa.

2 Mamwene 4:38

Nave Elisha aahokollweella o Giligala koma mwiillaponimmo mwaakhalla ettalla. Nllapo nimodda Elisha ahuddihaka mulloko wa anamallotella nave viviralle enthawi, aamulleella a muttekwaaye wi, “Eya ekarikho yuullupalli viikho, owaapeyelle yoocha a m'mulloko wa anamallotellaalla.”

Luka 10:42

Koma ello emoddave sika enapaalleya. Mariya ootthoolla ello yaphaama, yawi khawattho aakhiwa.”

Yohane 11:19

Nave Ayuda anchichi yaari ewiille wa Marita ni Mariya wi yaakhurumuse murima ekaamba ya okhwa wa Lazaro.