Luka 10:35 - Mawu a Mulluku

³⁵ Osaka wene aakusa makobiri meelli amuvaha oowehera enyumbeeyo allota wi, ‘Omuwehereke phaama muthoolla nave wamuvaha ddeko ddookhwaranya makobiri yaalla kineerewuuhokollosella kaahokollowaka.’ ”

Luka 10:35 ပူးပေါင်းရင်းမြစ်များ

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Luka 14:13

Waakhozaka machellello, owiithane oohoowa, oorakalla, ookhwa meto, oohoona.

Aroma 16:23

Gayo, oyo anakirumeyella miyaano vamodda ni mpingo muttheene mpa mwaye, annuuvahani mooni. Erasito, oosunga makobiri a m'muzindani ni Kwarto mwanamunnihu, ennuuvahani mooni.

Mateyu 20:2

Vano aapanganana wi aallivelleke, nikobiri nimodda vanllaponi nimodda nave ahaarumiha omata waye wi yaphare mutteko.

Mateyu 18:28

“Vano mullupa muttekoolle aakhuma akumana ni mullupa mutteko mukhwaaye oyo aamukongolihalleeye makobiri ooyeva. Aamuphara amunyoka vanikohini amulleella wi, ‘Kihokolloselle nndde waakongonleewe!’

Luka 10:34

Vano aaphiya vakhuviru ni muthooyo amuhella murete m'makhwatanimmo nave ammaka phaama ddene. Vano aamukusa muthooyo amuwelliha va bulwaaye amuyaana o enyumba ya alleto amuwehera phaama.

Luka 10:36

Nave Yesu aamukoha muhuddihi a malamuloolle wi, “Mwa ararwaalla, munaganiza wi ttuuvi oonihenre okhalla mukhwaaye a muthu aaphariwe ni allupaawiiyaalle?”