Luka 10:28 - Mawu a Mulluku

²⁸ Yesu aamulleella wi, “Wohaakhulla phaama. Khawe weere ddennddo nave oneerewaakhella okumi woohimalla.”

Luka 10:28 ပူးပေါင်းရင်းမြစ်များ

Ezekiele 20:11

Kahalangiza wenko ni waahuddiha malamulwaaka ayo yaavaha okumi athu oowiiwellella.

Levitiko 18:5

Sika vano mweereke nnddo kinuulamuleemini. Mwiiwellelleke nave muthwareke malamulwaaka wi mukhalle ni okumi. Mi tti Apwiya.

Mateyu 19:17

Vano Yesu ahaakhulla wi, “Onakikohera tini dda ddeko nnddo ddiri ddaphaama? Mullukuve sika ari aphaama. Waapaallaka ovollowa mu okumi woohimalla owiiwellelleke malamulwaaye.”

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

Agalatiya 3:12

Koma wiiwellella malamulo khonapaalleya okhalla ni echikhulupililo. Vawi mawu a Mulluku enallota wi, “Muthu aniiwellella malamulo aneerokhalla ni okumi.”

Aroma 10:4

Vawi Khrisitu ookwakhwaniha malamulo wi arive muthu anakhulupilila alungamihiwe vamiitthoni va Mulluku.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Luka 7:43

Simoni ahaakhulla wi, “Kineesa oyo akongonle ddawaatooyo.” Nave Yesu aallota wi, “Wohaakhulla phaama.”

Mariko 12:34

Nave Yesu vawoonani wi ahaakhulla mweezeru, vano aallota wi, “Khorakamellane ni omwene wa Mulluku.” Ddiviralle ddenndda khavaarittho muthu allipalle murima omukoha Yesu makoho mamodda.

Ezekiele 20:21

“Koma aniiwattho yaakiwukila. Kheyaathwanre malangizwaaka nave kheyaawiiwellelle malamulwaaka oovaha okumi athu oowiiwellella. Nave yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Ezekiele 20:13

Koma Aisraele yaakiwukila muchipululuni. Kheyaathwanre malangizwaaka nave yaakhoota malamulwaaka owaavaha okumi athu oowiiwellella. Athwaayo yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Deuteronomo 6:24

Nave Apwiya Mullukwaahu yaanilamula wi niiwellelleke malamulo mattheenaalla nave wi niwooveke alliwaayo wi alliwa eteteze ni odalisa mutundwaahu moollikana ni mmo eneerelliiwammu ollello.

Miyambo 19:16

Muthu oosunga malamulo annasunga okumaaye koma oohipwatha meetellwaaye aneerokhwa.

Aroma 7:10

nave yaakeeriha wi kikhwe. Sika malamulo ayo yaphwanenlle okeeriha wi kikhalle mukumi, yaakeeriha wi kikhwe.