Luka 10:2 - Mawu a Mulluku

² Vano ahaalleella wi, “Ddoohata ddohaatesa koma allupa mutteko tti ooyeva. Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye.

Luka 10:2 ပူးပေါင်းရင်းမြစ်များ

1 Atesalonika 5:12

Asinnihu ni arokorihu, ninuuvekani wi mwaavaheke olemu ayo enaphara mutteko variyari vanyu vawuuhoollellani ni vawuuhuddihani ettilla ya Apwiya.

Mariko 16:15

Nave allota wi, “Khaweni o ellapo yavatthi ettheene, mwallalleye othenga waphaama wa athu attheene.

2 Timoteo 4:5

Nave weyaano awiithaalla mu ddittheddene, ovillelleke ddoohoosa, ophareke mutteko woollalleya othenga waphaama nave okwakhwanihe orumeyella wawo.

2 Atesalonika 3:1

Voomallihella, asinnihu ni arokorihu, munivekellelleke hiyaano wi othenga wa Apwiya ovirellelleke ovuwa mwawaakuva navettho waakhelliwe ni ntitimiho, wonanko mmo weerelliiwa mwa nyuwaano.

Mariko 13:34

Ddinaphwanaphwana ni muthu atimullalle va olendwaaye ahiya enyumbaaye. Aavaha olamulello allupa muttekwaaye wi arive muthu awehereke mutteko waayewaaye nave amulleella oowehera a va mullako wi awehereke phaama.

1 Timoteo 4:10

Vawi ninnaphara mutteko moollipihella kaambiiwa nookhalla ni etiyerellwaahu mwa Mulluku Ookumi, oovullusa athu attheene, makamaka ookhulupilila.

Mitteko 22:21

Apwiya yaallota wa miyaano wi, ‘Venya vawi kineerewuurumiha woorekama wa athu ayo ehiri Ayuda.’ ”

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 13:4

Yarumiwiiwa ni Munepa Waweella, Baranaba ni Saulo yaaya o muzinda wa Seleukiya nave yaheeta vakallawani ovenyera wenko nave yaphiya o echilumba ya Kupro.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 11:19

Ookhulupilila amodda ayo yapallalleyille ekaamba ya ohoosiwa waambeyille Sitefano iiphiweeye yaaphiya o ezigawo dda Fenisiya, Kupro ni o muzinda wa Antiyokeya,* ollalleya othenga wa Ayudave.

Mitteko 8:4

Ookhulupilila yapallallesiwaayo yaaya mu echigawo ettheene, ellalleyaka othenga waphaama.

Luka 9:1

Yesu aawiithana oohuddera khumi ni eelli vamodda, aavaha masiva ni olamulello wookhumiha minepa ddoonanara ni woochiriha ereta.

Mariko 16:20

Oohuddera yaavenya enallalleya virive veko. Nave Apwiya yaapharana mutteko vamodda nave yaanasimikizella ddoollalleya ddiwa wi tti ddawoona vaweerani ddoottikhiniha.] [

Mateyu 20:1

“Omwene wa Mulluku tti wonanko niphwanaphwaniho nna. Waakhalla mwaneena a emata oyo akhumalle ohinase wi aalembe allupa mutteko oollima emataaye ya ezipaso ddampesa.

Zekariya 11:17

“Otulli okhalle ni mbusa oohikhalla ni mutteko oyo anahiya enkhosa! Emukakathe ni nsupada va muwono ni va niittho naye na onnattanatta. Muwonwaaye onyaalle wunchichi nave niittho nayenno nikhalle noohoona wa enthawi yoohimalla.”

Yeremiya 3:15

Wenko kineerewuuvahani abusa a vamurimani vaka. Eneerewuuhoollellani mweezeru ni mwawiiwesesa.

Afilipi 2:25

Kooganiza wi tti woopaalleya wuuhokollosellani mwanamunnaka, Epafrodito, oyo aphanre mutteko ni owanana ekhoto vamodda ni miyaano nave oyo arumihiwe ni nyuwaano wi akikavihere.

Afilipi 2:21

Amoddaayo attheene enallipihella ddeko ddawaaddivella weekhiiwa ohiri ddeko dda Yesu Khrisitu.

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

Numeri 11:17

Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

Akolose 1:29

Wi ddenndda ddeereye, kinaphara mutteko moollipihella, voopharihani mutteko masiva uullupalli ayo enavelleelliiwa ni Khrisitu oyo anaphara mutteko mwa miyaano.

Afilipi 2:30

kaambiiwa ahiivelleella moollipa murima nave ohalla vakhuviru okhwa ekaamba ya mutteko wa Khrisitu wi akikavihere munipuroni mwanyu.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

1 Atesalonika 2:9

Vawi munnuupuwella, asinnihu ni arokorihu mmo napharelleehu mutteko moollipihella! Naphara mutteko otthaana ni mahiiyu wi nihuukatamiheni nyuwaano nuullalleyelleehuuni othenga waphaama wa Mulluku.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

Zekariya 11:5

Ookulla enkhosa ennaddiipha koma khaavo anawiipa mullatu. Nave vookullihani enameeyo enallota wi, ‘Apwiya etitimiheye! Noophwanya eyuuma!’ Abusa khenamoriwa ethakaraka ni enkhosa.”

1 Mamwene 18:22

Vano Eliya ahaalleella athwaalle wi, “Kihanlle meekha mwa anamallotella a Apwiya koma anamallotella a Baala erivo 450.

Numeri 11:29

Koma Mose aamulleella wi, “Ethiyo onakikhupanyella miyaano. Keerohakallalla athu attheene a Apwiya yaariki anamallotella nave Apwiya yaakawelleke munepiiwa.”

Filemoni 1:1

Ovenyera wa miyaano Paulo, a mundende ekaamba yoomurumeyella Khrisitu Yesu. Navettho ovenyera wa Timoteo mwanamunnihu. Kinuulembella weyaano, mwanamunnihu ookondiwa Filemoni, oyo anamurumeyella Khrisitu wonanko hiyaano.

Masalimo 68:11

Apwiya yaavaha mawu, atthiyana anchichi enawa ni othenga wawi,

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,