Luka 10:18 - Mawu a Mulluku

¹⁸ Vano Yesu ahaalleella wi, “Kaamoona Satana amoraka wonanko ettari ovenyera oddullu.

Luka 10:18 ပူးပေါင်းရင်းမြစ်များ

Yesaya 14:12

“We thanda, mwaana a ohinase, ngoona mmo omorelleewe ovenyera oddullu. We olle agonjiha mitundu dda athu, wohuuhelliwa vatthi.

Yawuupullulla 9:1

Nave mungelo aneetthanu ahoopa nipallapata naye. Kahoona etheneeri eyo yamorelle va ellapo yavatthi nave yaavahiwa makiiyi oohullella o nlliti noowallamellesesa.*

Yohane 16:11

Alliwaayo tti oolakwa va dda echiweruzo kaambiiwa oolamulella a va ellapo yavattheella oheeruziwa khalle.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”