Luka 10:14 - Mawu a Mulluku

¹⁴ Va nllapo na echiweruzo Mulluku aneeroweerella echifundo athu a o Tiro ni Sidoni ohiyana ni nyuwaano!

Luka 10:14 ပူးပေါင်းရင်းမြစ်များ

Aroma 2:1

Vano nyuwaano munaweeruza amodda, ethiyo munaddeesa wi nyuwaano ttaani! Khamunna mawu oothawellavo vawi mwaaweeruzaka athu amodda koma nyuwaano muneerattho ddeko ddimoddave ddennddo eneeriiwa, munaddiipa mullatu nyookha.

Aroma 2:27

Athu ayo ehiphaddiwe koma enniiwellella malamulo eneerewuuvaanyihani nyuwaano muri ni malamulo nave moophaddiwa kaambiiwa khamuniiwellella malamulo.

Yohane 3:19

Nave echiweruzweeyo tti ella, owala waawa mu ellapo yavatthi koma athu yaakonda epiphi ohiyana ni owala kaambiiwa yaheera ddeko ddoonanara.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Yowele 3:4

“Ethiyo nyu athu a o Tiro, Sidoni ni a o ezigawo dda Filistiya, munapaalla mukeere tini? Ethiyo munakihokollosella ekaamba ya nnddo kiweerelleemini? Ddaarimi ddiri ddiiddo, nameenettho kineerewuuhokollosellani mwawaakuva.

Amosi 1:9

Apwiya enallota wi, “Ekaamba ya ddoolakwa ddiraru dda Tiro apaalle ddisese, ngihiya omullaka, ngihiya omullaka. Yaawupharella wuukaporoni mutundu muttheene o Edomu, kheyaasungalle echipangano ya echibale yiiwananiiwa.

Mateyu 10:15

Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

Mateyu 11:21

“Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara o Tiro ni o Sidoni, yaaweerorukunuwa murima khalle. Yaaweerowara eziguduli ni wiihella ntuura wooniha wi yoorukunuwa murima!