Luka 1:8 - Mawu a Mulluku

⁸ Nllapo nimodda Zakariya aarumeyella mu enyumba ya Mulluku vawi yaari enthawi ya mullokwaaye wi orumeyelle.

Luka 1:8 ပူးပေါင်းရင်းမြစ်များ

2 Epilli 8:14

Moollikana ni malangizo a Davide attiitthinnya, ahaakawa allupa mukutho mu milloko milloko aavaha mitteko ddiwa. Nave aakeraatthihattho milloko dda Alevi ni mitteko ddiwa dda nllapo ni nllapo ddookavihera allupa mukutho ollapella. Aatthoollattho milloko dda oowehera vamillakoni ddoohiyanahiyana vawi Davide muthu a Mulluku aalamulalle mwawi ddiiddo.

1 Epilli 24:19

Nna sika naari ntthopoollo noorumeyella mu enyumba ya Apwiya moollikana ni mutetho oyo Aroni, attiitthiiwa, aakeraatthihalleeye moollikana ni mmo Apwiya Mulluku a Aisraele yamulamulalliiwa.

2 Epilli 31:2

Hezekiya aakeraatthihattho milloko dda allupa mukutho ni Alevi wi ephareke mitteko dda mikutho ddooshellelliha, mikutho ddeeyaattano, ollalleya m'millako dda enyumba ya Apwiya ni waathokoza ni waatitimiha Apwiya.

Luka 1:5

Mu enthawi eyo Herode* aariiye mwene a echigawo ya Yudeya, waakhalla mullupa mukutho nnddina naye Zakariya, a mulloko wa allupa mukutho wa Abiya. Mwaariye aari a nlloko na Aroni nave nnddina naye aari Elizabeti.

Ezara 6:18

Vano yahaakeraatthiha allupa mukutho ni Alevi mu milloko ddiwa wi emurumeyelleke mu enyumba o Yerusalemu moollikana ni mmo ddalembelliwiiwa mu nibukhu na Mose.

2 Epilli 31:19

Ollota dda edduullu dda Aaroni, allupa mukutho ayo yakhalla m'mizindani ni mizi ddiwa vaakhalla yatthoolliwe wi ekaweke ddoocha wa arive mullopwana variyari va allupa mukuthwaayo navettho wa arive muthu variyari va Alevi ayo yalembiwe.

2 Epilli 11:14

Vawi Alevi yaahiya mapurwiiwa oochihellamo eziweto nave yaaya o Yuda ni o Yerusalemu ekaamba yawi Yerobowamu ni anaaye yaari yaahiihalle mutteko wookhalla allupa mukutho a Apwiya

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

Eksodo 30:30

Nave omuzoze Aroni ni anaaye ni waapatula wi ekhalle allupa mukutho.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

Eksodo 29:9

Nave waamakellettho laamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo wa enthawi yoohimalla. Mmu sika onaamuzozelleewe Aroni ni anaaye.

Eksodo 29:1

“Voomuzozani Aroni ni anaaye wi ekhalle allupa mukutho, okuse nankhoro a eng'ombe ni anankhoro a enkhosa eelli oohirakalla.

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

1 Epilli 24:2

Koma Nadabu ni Abihu yaakhwa attiitthiiwa ehinakhwe nave kheyaari ni anamwani. Sika Eleazara ni Itamara yaakhalla allupa mukutho.

Luka 1:7

Nave kheyaarina mwaana kaambiiwa Elizabeti khaayara nave eellaalla yahuulluvalla.