Luka 1:78 - Mawu a Mulluku

⁷⁸ Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Luka 1:78 ပူးပေါင်းရင်းမြစ်များ

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Afilipi 2:1

Mu eyaattano ni Khrisitu munnallipihiwa murima nave echikondaaye ennavenyiha okhupanya wanyu. Mohaattanihiwa ni Munepa Waweella nave mooreera murima munnamorellana ethakaraka mmodda ni mukhwaaye.

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”

1 Yohane 3:17

Athu eeyuuma yamoona mwanamunniwa apaalle murokoriwa oohoowa nave emummella murima, kheworattho ollota wi ennamukonda Mulluku.

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Zekariya 3:8

We Yoswa, mullupa mukutho muullupalli, iwa! Nyu allupa mukutho akhwaaye, echizindikiro ya ddaphaama ddineereye, iwani! Kineerowaana oorumeyellaaka ooromolliwa Enthambi.

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Afilipi 1:8

Mulluku sika ari mbonaaka wi kinallota ddawoona kaallotaka wi munkhellaaka va nyuwaano tti woovenyera mu echikondi ya Khrisitu Yesu.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Masalimo 25:6

Nyu Apwiya, upuwellani echifundwaanyu ni echikondaanyu yoohisintheya eyo moonihalleenyu waambeella khalle.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.