Luka 1:66 - Mawu a Mulluku

⁶⁶ Athu attheene ayo yiiwalle, yaanaddiganizera, eniikoha wi, “Mwaana yoolla anaakhalle muthu awiidde?” Vawi ddaanooneya wi masiva a Apwiya eri ni olliyooyo.

Luka 1:66 ပူးပေါင်းရင်းမြစ်များ

Mitteko 11:21

Masiva a Apwiya yaari ni alliwaayo nave athu anchichi yaakhulupilila erukunuwella murima wa Apwiya.

Luka 2:51

Vano Yesu aahokollowana vamodda oya o Nazareti nave aanawiiwellella. Amennyaayo yaasunga ddittheddenenndda m'murimani mwiwa.

Luka 2:19

Koma Mariya aaddisunga m'murimani mwaye nave aanaddiganizera ddeko ddittheddenenndda.

Genesis 39:2

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

Luka 9:44

“Muhitiwalle kinapaalleemi wi kuulleelleni vawi mi Mwaana a Muthu kineerovelleelliwa wa athu.”

Luka 2:40

Nave mwaanooyo ahunnuwa akhalla ni masiva owaakattho ezeru navettho Mulluku aanamweerella echifundo.

Luka 1:80

Mwaanooyo ahunnuwa m'mwiillini ni m'munepani nave aakhalla ochipululuni ophiyera mallapo addoonihelleeye wa Aisraele.

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 89:21

Sika nnatta naka nineerekomuseera, muwonwaakattho oneerekomullipiha.

1 Mamwene 18:46

Masiva a Apwiya yaari ni Eliya. Olliye aamakella ddoowara ddaye muyuununi athamaka mwawaakuva amuvirellella Ahabu, akhalla awaamba ophiya o Yezireele.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

1 Samuele 2:18

Samuele aariiye musombwe aanarumeyella vamiitthoni va Apwiya awanre ekuwo yabafuta yookhalla ni efodi.*

Genesis 37:11

Sika asinnaalle yaamukhallella ehache wunchichi koma attiitthinnya yaakhalla eganizeraka ddenndda.

Masalimo 80:17

Koma ni nnatta nanyu mwahaateteza athu ayo mwaatthoollilleenyu, athu ayo nyuwaano mwawunnuwihalleenyu ni waallipiha wi yuurumeyelleni.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.