Luka 1:6 - Mawu a Mulluku

⁶ Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Luka 1:6 ပူးပေါင်းရင်းမြစ်များ

Genesis 7:1

Apwiya yaamulleella Nowa wi, “Vollowa muchomboni weyaano ni nibanja nawo. Kohoona tti weekhave oolungama variyari va athu attheene a mbadoolla.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

1 Mamwene 9:4

Nave we, waaweetaka vamiitthoni vaka wonanko mmo attiittho Davide yeetelliiwa ni murima wawoona ni woolungama nave waaweeraka ddittheddene kuulamulalleemi ni osunga mawaaka ni malangizwaaka,

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

1 Yohane 2:3

Niiwellella malamulo a Mulluku, sika ninnasimikiza wi ninnamudduwella.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

Yobu 1:8

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliyooyo veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku.”

1 Yohane 3:7

Anaaka, mmodda ahiwoottottheni! Oyo aneera yoolungama tti oolungama, wonanko mmo Khrisitu ariiye oolungama.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

Akolose 1:22

Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

1 Akorinto 11:2

Kinnathokoza kaambiiwa mu erive ello munnakuupuwella ni othwara ehuddiho eyo kuuhiyenreemini.

Mitteko 23:1

Paulo ahaawehesesa attekweene a millatu a Ayudaalle* allota wi, “Ayuda akhwaakanyu! Ollota dda okhalla waka ni Mulluku, miyaano nginna mullatu ophiyera ollello vaava.”

Masalimo 119:6

Vano ngiwulliwa muru, kathwara malamulwaanyu mattheene.

Yobu 9:2

“Ddawoona, ddenndda kinnadduwella. Koma muthu ttuulungama mwawiidde vamiitthoni va Mulluku?

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Deuteronomo 5:33

Mweeteke mu ettilla eyo Apwiya Mullukwaanyu yuulamulalliiwani wi ddeko ddiweetellekeni phaama nave wi enthawi ya okumaanyu erekame mu ellapo eyo munaawaakheenyu.”

1 Mamwene 15:5

Apwiya yaheera ddenndda kaambiiwa Davide aaneera ddaphaama nave khaakhootille erive ello yamulamulalliiwa mallapo mattheene a okumaaye opatula mwaha wa Uriya Muhiti.

Luka 1:7

Nave kheyaarina mwaana kaambiiwa Elizabeti khaayara nave eellaalla yahuulluvalla.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Mitteko 2:25

Vawi Davide aallota dda olliye wi, ‘Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Mitteko 8:21

Kheyiivo yawaakhella apaalle yawuukawella ya muttekwaahoolla kaambiiwa murimaawo khori phaama vamiitthoni va Mulluku.

Aroma 8:4

Mulluku aheera ddenndda wi echilungamo yoopaalleya ya malamulo ekwakhwanihiwesese mwa hiyaano ninakhalla moollikana ni Munepa ohiri moollikana ni omuthu.

2 Epilli 17:4

koma amullapella Mulluku a makhollwaaye, aniiwellella malamulwaaye oohithwara mmo Aisraele yakhallelliiwa.