Luka 1:48 - Mawu a Mulluku

⁴⁸ vawi ookuupuwella miyaano, oorumeyellaaye oovevuwa! Waambeella ollello oya muhoollo athu attheene eneerokeera oodalisiwa,

Luka 1:48 ပူးပေါင်းရင်းမြစ်များ

Masalimo 138:6

Naari Apwiya tti avaddullu ennaapwatha athu oovevuwa, ennaadduwella athu awiitukhulla eri vuutete.

Malaki 3:12

Sika athu a mitundu ddittheddene eneerewuuromollani wi oodala vawi ellapwaanyu enaakhalle nipuro naphaama nookhallamo. Kinallota tti mi Apwiya Amasiva Mattheene.”

1 Samuele 1:11

Hana aallupella wi, “Apwiya Amasiva Mattheene, miyaano kiri mullupa muttekwaanyu, moone ohoowa waka nave mukaakhullelle ovekella waka, kinallota ddawoona wi mwakivaha mwaana aamullopwana kineeromuvelleella wa nyuwaano, Apwiya, mallapo mattheene a okumaaye nave ngimuchema.”

Luka 11:27

Yesu allotilleeye ddenndda, mutthiyana mmodda oovenyera m'mullokoni wa athwaayo aallota moollipiha wi, “Oodalisiwa tti mutthiyana oyo uuyanreni nave awaamwihani!”

Masalimo 136:23

Yaanuupuwella navevuwalleehu, echikondiiwa yoohisintheya tti ya enthawi yoohimalla.

Luka 1:42

Nave aallota mookhuwa wi, “We sika oodalisiwa mwa atthiyana attheene nave oodalisiwa tti mwaana onaamuyarawooyo!

Luka 1:28

Mungeloolle aawa wa Mariya allota wi, “Mooni! Apwiya aaweerella echifundo nave eri ni weyaano!”

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

1 Samuele 2:8

Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

Genesis 30:13

Sika Leya aallota wi, “Koohakallalla! Nave atthiyana eneerokiromolla oohakallalla.” Sika mwaanooyo aamuvaha nnddina Ashere.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Luka 1:45

Oodalisiwa tti weyaano kaambiiwa waakhulupilila ddallotille Apwiya wi ddineereweereya!”

Luka 1:49

kaambiiwa Mulluku amasiva ookeerella ddeko dduullupalli. Nnddina naye sika naweella.