Luka 1:41 - Mawu a Mulluku

⁴¹ Elizabeti iiwalleeye mooni wa Mariyooyo, mwaana aari m'mirimani mwayemmo ahiirukunusarukunusa. Vano Elizabeti aaddalliwa ni Munepa Waweella

Luka 1:41 ပူးပေါင်းရင်းမြစ်များ

Luka 1:67

Nave Zakariya, attiitthinnya a Yohane, yaaddalliwa ni Munepa Waweella nave yaallotella wi;

Luka 1:44

Kiiwalleemi moonaawoolle, mwaana aarukunuwarukunuwa m'mirimani mwaka moohakallalla.

Luka 1:15

Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Mitteko 4:8

Vano Petro, ahoollelliwe ni Munepa Waweella, aawaakhulla wi, “Oohoollella a athu ni attekweene,

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 7:55

Koma Sitefano addalliwe ni Munepa Waweella, aaweha oddullu oona ntitimiho na Mulluku ni Yesu iimenlle onnattanatta na Mulluku.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.

Masalimo 22:10

Kookhalla kuuroromellakani nyuwaano ephatuwellwaaka, nyuwaano mookhalla Mullukwaaka ovenyera mvo amoowe yakiyarelliiwa.

Genesis 25:22

Koma anamwani eellaayo yaambeelliiwa ollipana m'mirimani mwaye, aallota wi, “Kaambiiwa tini nndda ddinakeereyelliiwa?” Sika ahaakoha Apwiya wi emwaakhulle.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Luka 4:1

Yesu aahokollowa ovenyera o Yordani addalliwe ni Munepa Waweella nave aakusiwa ahoollelliwa ni Munepooyo wi aye ochipululuni.

Luka 1:40

Aavollowa mpa mwa Zakariya amvaha mooni Elizabeti.

Luka 1:42

Nave aallota mookhuwa wi, “We sika oodalisiwa mwa atthiyana attheene nave oodalisiwa tti mwaana onaamuyarawooyo!

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”