Luka 1:31 - Mawu a Mulluku

³¹ Oneerokhalla ni erukullu nave oneeromuyara mwaana aamullopwana nave omuvahe nnddina nawi Yesu.

Luka 1:31 ပူးပေါင်းရင်းမြစ်များ

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Mateyu 1:25

koma khaakonillena ophiyera aamuyara mwaanooyo. Sika Yosefe aamuvaha nnddinanne nawi Yesu.

Luka 2:21

Viviralle mallapo matthanu ni mararu, enthawi yaakwakhwana yawi mwaanooyo aphaddiwe nave aavahiwa nnddina nawi Yesu. Nnddina nenna avahiwe ni mungelo, Mariya ahinakhalle ni erukullu.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Luka 1:27

Arumiwe wa namwalli nnddina naye Mariya oyo atomeliwe ni mullopwana nnddina naye Yosefe, edduullu ya Davide.

Miyambo 23:25

Ahiye attiittho ni amaayo yuukotelle, amaayo awuuyara ethapelle.

Luka 20:44

Sika Davide aamuromolla olliye wi Apwiya, Mesiya vano anaakhalle edduullu ya Davide mwawiidde?”