Luka 1:25 - Mawu a Mulluku

²⁵ Aallota wi, “Omamallihello wiwa Apwiya aakeerella echifundo, aakivenyihella owulliwa muru waka variyari va athu.”

Luka 1:25 ပူးပေါင်းရင်းမြစ်များ

Yesaya 4:1

Enthawi yeeyo atthiyana atthanu ni eelli eneeromwaakanella mullopwana mmodda ni ollota wi, “Hi niniichiheke ni wiiwariha weekhiihu, weyaano weeremoona onaakhullella wi neeriweke awariyo wi nihiye owulliwa muru.”

Aheberi 11:11

Ekaamba ya echikhulupililo, Sara aakhalla ni mwaana aamullopwana naari aari awuulluvalla ni oohiyara kaambiiwa Abrahamu aamukhulupilila Mulluku oyo amulonjezille.

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

1 Samuele 1:6

Penina, mwaariye mmodda a Elikana, aaneera ddoomuvoriiha murima Hana vawi Hanooyo Apwiya yaamweeriha wi ahiyareke.

Genesis 25:21

Vano vawi mwaara Isaki khaayara, Isakooyo aamuvekella mwaariye wa Apwiya. Apwiya yahiiwa ovekella waye nave Rebeka aakusa erukullu.

Oweeruza 11:37

Olliye ahaalleella attiitthinnyaayo wi, “Kuuvekeni ello emodda, mukihiye wa miyeri miilli wi keeteete ni anamwalli akhwaaka omiyaangoni wi kinlle wi kinaakhwe kiri namwalli.”

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Luka 1:24

Vatulli viwa, mwaariye Elizabeti aakhalla ni erukullu nave khaakhumalle mpa wa miyeri mitthanu.

2 Samuele 6:23

Vano Mikala, mwaana a Saulo aaphiyera okhwa ahinna mwaana.