Luka 1:2 - Mawu a Mulluku

² Yatotenlle ddeko ddennddo nalleelliweehu ni amboni ayo yoonille ddeereyaka vawaambeella ni oollalleya awaamba a othenga waphaama.

Luka 1:2 ပူးပေါင်းရင်းမြစ်များ

Yohane 15:27

Nave nyuwaano muneerovelleellattho omboni dda miyaano vawi mwaari ni miyaano ovenyera kaambeelleemi muttekwaaka.

Mitteko 26:16

Nave venya wiimelle, kowooneyella wi kuutthoolle okhalle ookirumeyellaaka. Onaphwanella wi wakhalle mboni wa athu nnddo woonilleewe wa miyaano ollello navettho nnddo onaawooneewe wa miyaano muhoollommu.

2 Petro 1:16

Hiyaano khanithwanre miyaha ddawiiwa vawuulleellani dda owa wuullupalli wa Apwiihu Yesu Khrisitu. Koma nahoona ottekweenaaye ni miitthwaahu.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Mariko 1:1

Nngu sika waambeya wa othenga waphaama woollota dda Yesu Khrisitu, Mwaana a Mulluku.

Mitteko 1:3

Mwa mallapo 40 vatulli va ohoosiwa ni wiiphiwa waye, ahooniha mu ettilla ddoohiyanahiyana wi aavenyihiwa wa ookhwa. Aaddoonihella wa alliwaayo navettho aallota wiilliwiilli dda omwene wa Mulluku.

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Luka 24:48

Nyuwaano sika amboni a ddeko ddenndda.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mariko 4:14

Mullupa oomiddoolle, annamidda mawu a Mulluku.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

Mariko 16:20

Oohuddera yaavenya enallalleya virive veko. Nave Apwiya yaapharana mutteko vamodda nave yaanasimikizella ddoollalleya ddiwa wi tti ddawoona vaweerani ddoottikhiniha.] [

Yohane 16:4

Nave kohuulleellani ddenndda wi enthaweeyo yaphiya muupuwelle wi kahuulleellani. “Ngaallotille nndda vawaambeella kaambiiwa kaari vamodda ni nyuwaano.

Mitteko 8:4

Ookhulupilila yapallallesiwaayo yaaya mu echigawo ettheene, ellalleyaka othenga waphaama.

Mitteko 14:25

Yaallalleya mawu a Mulluku wa athu a o muzinda wa Perga nave eyattho o muzinda wa Ataliya.

Mitteko 16:6

Yaheeta ovirella mu ezigawo dda Frijiya ni Galatiya kaambiiwa Munepa Waweella wahaahiiha ollalleya mawu a Mulluku mu echigawo ya Asiya.*

Mitteko 17:11

Athu a o Bereya yaari owiiwesesa ddeko ohiyana ni alle a o Tesalonika. Yaanaakhella othenga wa Paulo ni murima woottaphuwa nave nllapo ni nllapo yaanaashaasha mu mawu a Mulluku wi yoone nnddo allota Paulooyo ddaari ddiri ddawoona.