Luka 1:15 - Mawu a Mulluku

¹⁵ Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Luka 1:15 ပူးပေါင်းရင်းမြစ်များ

Yeremiya 1:5

“Kihinuuphatuse m'mirimani mwa amaayo kahuudduwella khalleve. Nave ohinayariwe, kahuupatula khalleve, kahuutthoolla wi okhalle namallotella wa athu a mitundu ddittheddene.”

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

Agalatiya 1:15

Koma Mulluku mu echisomwaaye aakitthoolla naari kaari kihinayariwe nave aakiithana wi kimurumeyelle. Nave enthawi eyo Mulluku apanlleeye,

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Luka 7:33

Yohane Oobatiza awiilleeye, aahalla ocha* ni oohimuwirya vinyo nave mwaamullotella wi, ‘Ookhalla ni munepa woonanara’

Yoswa 4:14

Nnddo yeerille Apwiya nllapo nenno ddaaweeriha Aisraele omuvaha olemu Yoswa. Vano yaamuvaha olemu wunchichi moollikana ni mmo avahelliwa olemu Mose enthawi ettheene ya okumaaye.

Luka 7:28

Kinimuulleellani wi khaavo muthu ooyariwa vatthimva ari muullupalli omukhwaranya Yohane. Koma oyo ari mung'onong'ono mu omwene wa Mulluku sika ari muullupalli omukhwaranya olliyoolla.”

1 Epilli 17:8

Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

Yoswa 3:7

Apwiya yaamulleella Yoswa wi, “Ddittheddene kinaaweereemi ollellonndda sika ddinaaweerihe Aisraele attheene okhalla ni murima wawuuvaha olemu wi weyaano ori muthu muullupalli. Nave eneerodduwella wi miyaano kiri ni weyaano wonanko mmo kakhallelleemi ni Mose.

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Masalimo 22:9

Koma tti nyuwaano mwaakhullenlle wi miyaano kiyariwe, nyuwaano sika mwakitetezille kiri vanipelleni na amoowe.

1 Epilli 29:12

Eyuuma ni olemu ddinavenyera wa nyuwaano. Munnalamulella ddittheddene ni masiva ni ekophollo nave munnamweeriha arive muthu okhalla muullupalli ni amasiva.

Genesis 48:19

Koma Yakobo attiitthinnyaayo aakhoota wi, “Kinnadduwella kineereemi, mwanaka. Edduullu dda Manase ddinaakhallettho mitundu ddinchichi komave mung'onong'onwaayoolla aneerovuwa omukhwaranya olliye nave edduullu ddaye ddinaakhalle mitundu ddinchichi dda athu.”

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Yohane 5:35

Yohane aari wonanko enyali ni yoowala nave nyuwaano mwaatthoolla ohakallallana owalanko enthawi yoyeva.

Levitiko 10:9

“Muhinamuwiryaka vinyo apaalle yoowirya yoowalli, weyaano ni edduullu ddawo, mwaayaaka o musasa wamutthukumanoolla woova wi munaakhwe. Nenna nikhalle lamulo wa enthawi yoohimalla wa mibado ddanyu ddittheddene.

Yeremiya 35:6

Koma alliwa yahaakhulla wi, “Hi khannamuwirya vinyo vawi nikhollo nahu Yonadabu mwaana a Rekabu aanilamula wi, ‘Muhiwe mumuwirya vinyo, nyuwaano ni aniinyu wa enthawi yoohimalla.

Luka 1:14

Oneerohakallalla ni murimaawo muttheene, nave athu anchichi eneerohakallallattho ni oyariwa waye!