Levitiko 9:7 - Mawu a Mulluku

⁷ Mose aamulleella Aroni wi, “Susera vakhuviru ni nikuwa nave oheraatthi mukutho woopepesella machimo ni mukutho wooshellelliha wi okhalle mutetho woopepesella machimo a Aisraele. Oheraatthi ddoovelleella dda athwaayo nave weere mutetho woopepesella machimwiiwa moollikana ni mmo Apwiya elamulelliiwa.”

Levitiko 9:7 ပူးပေါင်းရင်းမြစ်များ

Aheberi 5:3

Nave kaambiiwa nayeene tti oofooka, anaphwanella oheraatthi mukutho ohiri ekaamba ya machimo a athuve komattho machimwaaye.

Aheberi 5:1

Arive mullupa mukutho muullupalli anatthoolliwa ni athu akhwaaye wi awiimellelle voomurumeyellani Mulluku. Muttekwaaye sika oheraatthi mukutho ni emphaso ekaamba ya machimo a athu.

Aheberi 9:7

Koma mullupa mukutho muullupallive sika avollowa muwari mwa musasa nave eera ddenndda omoddave vamuyakhani. Aanakusa nikhame nno aheraatthiiye wa Mulluku ekaamba ya machimwaaye ni ekaamba ya machimo a athu yeeriiwa moohidduwella.

Levitiko 4:3

“Oochimooyo akhalla mullupa mukutho muullupalli sika oowutthattusa mpingo muttheene okhalla woochimwa. Vano aamuheraatthiki wa Apwiya nankhoro mung'onong'ono eeng'ombe yoohirakalla, ekaamba ya ochimwa wayenko. Yooyo sika mukutho woopepesella machimo.

1 Samuele 3:14

Vano kinimallupella wi mullatu wa vanibanjani vaye khomalla. Naari avelleelle mukutho ni ddoovelleella ddimodda.”

Levitiko 9:2

Aamulleella Aronooyo wi, “Omukuse musaana a nankhoro a eng'ombe wi akhalle mukutho woopepesella machimo nave nankhoro a enkhosa wi akhalle mukutho wooshellelliha. Ddittheddenennddo ddikhalle ddoohirakalla nave oddivelleelle wa Apwiya.

Levitiko 8:34

Apwiya yaanilamula wi niweerelleni nnddo niweerelleehuni ollello wi okhalle mutetho woopepesella machimwaanyu.

Levitiko 16:6

“Aroni amuheraatthi nankhoro a eng'ombe mmodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye.

Levitiko 16:11

“Aroni aweena nankhoro a eng'ombe emodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. Vano ayiiphe eng'ombeeyo wi ekhalle mukutho woopepesella machimwaaye.

Levitiko 16:24

Ahape onipuroni noopatuleya nave aware ddoowara ddaye, akhume wi aheraatthi mukuthwaaye wooshellelliha navettho mukutho wooshellelliha wa athu amodda. Eeddiiddo sika wi oheera mutetho woopepesella machimwaaye ni a athu amodda.