Levitiko 9:4 - Mawu a Mulluku

⁴ Mukusettho eng'ombe ni enkhosa wi ddikhalle mukutho wa eyaattano wa Apwiya. Nave muweena mukutho wa othu woottakanyihera ni makhura. Vawi ollello Apwiya eneerowooneyellani.’ ”

Levitiko 9:4 ပူးပေါင်းရင်းမြစ်များ

Eksodo 29:43

Wenko sika kinaakumanekeemi ni Aisraele nave nipuro nenno nineerokhalla naweella ekaamba ya ntitimiho naka.

Levitiko 9:23

Vano Mose ni Aroni yaavollowa m'musasani wamutthukumano. Ekhumallemo, yahaadalisa athwaalle nave ntitimiho na Apwiya naawooneyella athu attheenaayo.

Levitiko 9:6

Vano Mose aallota wi, “Apwiya ahuulamulani wi mweere nndda wi ntitimiho niwa niwooneyelleni.”

Ezekiele 43:2

Wenko kahoonawo ntitimiho na Mulluku a Israele nivenyeraka wookhuma nndduwa. Niiweya wonanko orindimuwa wa maaddi nave ellapo yavatthi yaanyezimella ni ntitimiho naye.

Numeri 16:19

Kora ahaatthukumaniha athu attheene va mullako wa musasa wamutthukumano moowehana ni Mose ni Aroni. Nave ntitimiho na Apwiya nahooneyella wa athu attheenaayo.

Numeri 14:10

Koma athu attheene yapaalla waavokha malluku. Enthawi yeeyo moorurumusa ntitimiho na Apwiya naawooneyella Aisraele mu musasa wamutthukumano.

Levitiko 2:1

“Arive muthu aawaaka wa Apwiya wi avelleelle mukutho wa othu, mukuthooyo okhalle wa othu waphaama. Othooyo awuhelle makhura ni lubani,*

Eksodo 24:16

Ntitimiho na Apwiya naakitthella vamwaangoni wa Sinai nave waakhuneelliwa ni murapo mallapo matthanu ni nimodda. Va nllapo naneetthanu ni piilli, Apwiya yaamwiithana muwari mwa murapommo.

Eksodo 19:11

nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka.

Eksodo 16:10

Sika Aroni aallota wa mulloko muttheenoolle nave mullokooyo waarukunuwa oweha o echipululu nave ntitimiho na Apwiya nahooneya m'muraponi moorurumusa.

Levitiko 9:3

Vano wallote ni Aisraele wi, ‘Mukuseni nankhoro a epuri wi muvelleelle mukutho woopepesella machimo. Mumukusettho musaana a nankhoro a eng'ombe owaakattho musaana eenkhosa. Asaana eellaalla ekhalle a muyakha mmodda, oohirakalla wi okhalle mukutho wooshellelliha.

Levitiko 9:5

Ddittheddene nnddo Mose aalamulalleeye athwaayo yaawaana vanthatoni na musasa wamutthukumano. Nave athu attheene yaasusera vakhuviru wi yaallapella Apwiya.

Levitiko 3:1

“Arive muthu aawaaka wa Apwiya wi avelleelle mukutho wa eyaattano, mukuthweene wakhalla wa eng'ombe, akhalleke nankhoro apaalle yaamutthiyana, yoohirakalla.

Ezekiele 43:27

Mallapo yaayo yamalla waambeella nllapo naneetthanu ni raru oya muhoollo, allupa mukutho eheraatthiki vanikuwaninno mikutho ddanyu ddooshellelliha nave dda eyaattano. Vano kineerowaakhellani. Mi Apwiya Mulluku koollota.”