Levitiko 9:3 - Mawu a Mulluku

³ Vano wallote ni Aisraele wi, ‘Mukuseni nankhoro a epuri wi muvelleelle mukutho woopepesella machimo. Mumukusettho musaana a nankhoro a eng'ombe owaakattho musaana eenkhosa. Asaana eellaalla ekhalle a muyakha mmodda, oohirakalla wi okhalle mukutho wooshellelliha.

Levitiko 9:3 ပူးပေါင်းရင်းမြစ်များ

Ezara 6:17

Voopatulani enyumba ya Mullukweella, athu yaavelleella anankhoro a eng'ombe 100, anankhoro ankhosa 200 ni asaanaankhosa 400. Yaavelleellattho anankhoro a epuri khumi ni eelli okhalla mukutho woopepesella machimo wa Aisraele attheene moollikana ni echiwerengero ya malloko a Israele.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Levitiko 4:23

Vano nichimonno nadduwanyeya, olliyooyo avelleelle mukutho wa nankhoro a epuri yoohirakalla.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

Ezara 10:19

Alliwa yaalonjeza omwallana ni awariwa nave mukutho woopepesella machimwiiwa waari nankhoro a enkhosa.

Levitiko 23:12

Va nllapo nno munaatukhullelleenyu muddullu mutolooyo, mumuvelleellettho nankhoro a enkhosa ya muyakha mmodda oohirakalla wi akhalle mukutho wooshellelliha woovelleelliwa wa Apwiya.

Levitiko 16:15

“Vano Aroni iiphe epuri ya mukutho woopepesella machimo a athu. Nikhame niwa avollowena ntthella na ekatani nave eerena wonanko mmo erelleeyena nikhame na eng'ombe, voomiddani va yookhuneelleeyo ni vatthi vahoollo va yookhuneelleeyo.

Levitiko 16:5

Aroni aakuseke anankhoro a epuri eelli ovenyera wa Aisraele attheene wi ddikhalle mukutho woopepesella machimo nave nankhoro enkhosa emodda wi ekhalle mukutho wooshellelliha.

Levitiko 14:10

“Va nllapo naneetthanu ni raru, muthooyo aakuse anamwani a nankhoro a enkhosa eelli oohirakalla, mwaanaankhosa aamutthiyana mmodda oohirakalla amuyakha mmodda, yoovelleella ya othu waphaama woollemella makilogaramu mararu woottakanyihera ni makhura navettho makhura ookwakhwana nimodda mwa magawo mararu a nilita.

Levitiko 12:6

“Vano mallapo a oddeelliha waye emanlle, a mwaana aamullopwana apaalle aamutthiyana, aye wa mullupa mukutho ni mwaanaankhosa a muyakha mmodda va mullako wa musasa wamutthukumano wi enkhoseeyo ekhalle mukutho wooshellelliha. Ayeewottho ni niwunda apaalle nnddiya wi okhalle mukutho woopepesella machimo.

Eksodo 12:5

Mwaanaankhosa apaalle musaanaapuri akhalle ohirakalla, aamullopwana navettho a muyakha mmodda. Ttuuwora waatthoollattho anamwani a epuri.

Genesis 37:31

Sika asinne a Yosefaalle yahiipha epuri nave etthaveya mukanjo wa Yosefe munikhamenimmo.

Levitiko 9:2

Aamulleella Aronooyo wi, “Omukuse musaana a nankhoro a eng'ombe wi akhalle mukutho woopepesella machimo nave nankhoro a enkhosa wi akhalle mukutho wooshellelliha. Ddittheddenennddo ddikhalle ddoohirakalla nave oddivelleelle wa Apwiya.

Levitiko 9:4

Mukusettho eng'ombe ni enkhosa wi ddikhalle mukutho wa eyaattano wa Apwiya. Nave muweena mukutho wa othu woottakanyihera ni makhura. Vawi ollello Apwiya eneerowooneyellani.’ ”

Levitiko 10:16

Vano Mose ahaashaasha epuri yooheraatthella mukutho woopepesella machimo nave aphwanyille eyishellellihalle khalle. Vano ahaashella murima anaaye, Eleazara ni Itamara. Aallota wi,

Levitiko 4:3

“Oochimooyo akhalla mullupa mukutho muullupalli sika oowutthattusa mpingo muttheene okhalla woochimwa. Vano aamuheraatthiki wa Apwiya nankhoro mung'onong'ono eeng'ombe yoohirakalla, ekaamba ya ochimwa wayenko. Yooyo sika mukutho woopepesella machimo.