Levitiko 9:24 - Mawu a Mulluku

²⁴ Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Levitiko 9:24 ပူးပေါင်းရင်းမြစ်များ

Oweeruza 6:21

Vano mungelo a Apwiya aakusa ekopo m'mattani mwaye attannya ni etthoka ya ekopo enameelle ni buledoolle. Munllo waakhara ovenyera vanllukuni valle oshellelliha enameelle ni buledoolle. Vano mungelo a Apwiyoolle aarimeella ahooneyattho

1 Epilli 21:26

Nave Davide ahaamakella Apwiya nikuwa avelleella mikutho ddooshellelliha ni ddeeyaattano. Nave aawiithana Apwiya mookhuwa sika yaamwaakhulla vookitthihani munllo ovenyera oddullu va nikuwa valle wi ooselle mikutho.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Oweeruza 13:23

Koma mwaariyoolle aallota wi, “Apwiya yapaallaka oniipha, kheyaawaakhelle mukutho wooshellelliha ni wa yoocha. Navettho kheyaanoonihelle ddeko ddittheddenenndda apaalle onilleella ddeko ddawi ddiidda.”

Levitiko 6:13

Munllo wa vanikuwanimvo okhalleke wookhara, ohithiimeke.

Eksodo 3:2

Wenko mungelo a Apwiya aamooneyella m'munlloni wookhara vamakukhuni. Mose awehille, ahoona munllo okharaka vamakukhuni koma makukhwaayo kheyaasha.

Genesis 15:17

Nndduwa nivollowille wene, epiphi yaambaka, moorurumusa vahooneya embawula yoothuwa mwiisi ni mutthiko wookhara nave ddeko piillinndda ddaavira variyari va enama ddoophaddiwanndde.

Yawuupullulla 7:11

Angelo attheene yahiimella moowaapheella mpando wa omwene, attekweene ni ddoophatusiwa ddookumi ddisese. Nave yaapopheya ekhove ddiwa vatthi vamiitthoni va mpando woomwene emullapella Mulluku.

Yawuupullulla 5:8

Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Ezara 3:11

Nave yaaniipa moohimaana, mowaatitimiha ni mowaathokoza Apwiya. “Apwiya tti aphaama, echikondiiwa yoohisintha eri va Israele.” Nave athu attheene yaakhuwa wunchichi yaatitimihiiwa Apwiya ekaamba yawi matthipello a enyumba ya Apwiya yaamakiwattho.

Yawuupullulla 4:9

Ddoophatusiwa ddookumi ddisese ddinniipa machipo ootitimiha, ooriiha ni oomuthokoza oyo akeraatthille vampandoni woomwene, oyo arina okumi woohimalla. Vawiipani,

2 Epilli 6:2

Koma kohuumakellani enyumba yooriiheya, nipuro nno munaakhallekeenyumo enthawi yoohimalla.”

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Numeri 14:5

Mose ni Aroni yaamora ekhove ddiwa vamiitthoni va mulloko wa Aisraele.

Genesis 17:3

Enthawi yeeyo Abramu aakokhora vatthi nave Mulluku aallota wi,

Levitiko 10:2

Sika Apwiya yaakhariha munllo waashellelliha nave attheene yaakhwa vamiitthoni va Apwiya.

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.