Levitiko 9:23 - Mawu a Mulluku

²³ Vano Mose ni Aroni yaavollowa m'musasani wamutthukumano. Ekhumallemo, yahaadalisa athwaalle nave ntitimiho na Apwiya naawooneyella athu attheenaayo.

Levitiko 9:23 ပူးပေါင်းရင်းမြစ်များ

Levitiko 9:6

Vano Mose aallota wi, “Apwiya ahuulamulani wi mweere nndda wi ntitimiho niwa niwooneyelleni.”

Numeri 16:19

Kora ahaatthukumaniha athu attheene va mullako wa musasa wamutthukumano moowehana ni Mose ni Aroni. Nave ntitimiho na Apwiya nahooneyella wa athu attheenaayo.

Numeri 16:42

Yatthukumanilliiwa wi yaawukile Mose ni Aroni yaarukunuwa enaweha o musasa wamutthukumano. Vano yahoona murapo ohuruwenlle musasooyo nave ntitimiho na Apwiya nahooneya.

Numeri 14:10

Koma athu attheene yapaalla waavokha malluku. Enthawi yeeyo moorurumusa ntitimiho na Apwiya naawooneyella Aisraele mu musasa wamutthukumano.

Eksodo 39:43

Vano Mose ahoona ddittheddene ddapangiwennddo nave aasimikizella wi yaaddipanga moollikana ni mmo Apwiya yalamulelliiwa. Sika Mose ahaadalisa athu attheenaayo.

2 Epilli 7:1

Solomoni amallihalle ovekella, munllo waakittha ovenyera oddullu woosa mukutho wooshellelliha ni mikutho ddimodda. Nave ntitimiho na Apwiya naaddalla mu enyumba Ya Apwiya.

Eksodo 16:10

Sika Aroni aallota wa mulloko muttheenoolle nave mullokooyo waarukunuwa oweha o echipululu nave ntitimiho na Apwiya nahooneya m'muraponi moorurumusa.

Levitiko 9:4

Mukusettho eng'ombe ni enkhosa wi ddikhalle mukutho wa eyaattano wa Apwiya. Nave muweena mukutho wa othu woottakanyihera ni makhura. Vawi ollello Apwiya eneerowooneyellani.’ ”