Levitiko 8:23 - Mawu a Mulluku

²³ Mose aayiipha, akusavo nikhame niwa animara va etthoka ya naaru na onnattanatta na Aroni. Aamarattho va eyaallaaye onnattanatta ni va eyaalla yuullupalli ya nnyallo na onnattanatta.

Levitiko 8:23 ပူးပေါင်းရင်းမြစ်များ

Eksodo 29:20

Oyiiphe nave okusewo nikhame niwa omare va etthoka ya naaru na onnattanatta na Aroni ni va etthoka ya naaru noonnattanatta na anaaye. Omarettho va eyaalla ddiwa dduullupalli ddoonnattanatta ni va eyaalla yuullupalli ya o nnyallo noonnattanatta. Nikhame noohalla oniithelle moowaapheella nikuwa.

Levitiko 14:17

Makhura oohalla m'mattani mwa mullupa mukuthooyo yaamare otthoka wa naaru noonnattanatta na muthu aneellihiwooyo navettho va eyaallaaye yuullupalli ya nnatta noonnattanatta naye. Amarettho va eyaallaaye yuullupalli ya nnyallo noonnattanatta, mvo amanreeyevo nikhame na enama yoovelleellella mukutho woolliva.

Levitiko 14:14

Mullupa mukutho akuse nimodda mwa nikhame na enama ya yoovelleelliwa mukutho woolliva ni onimara otthoka wa naaru noonnattanatta na muthu oyo aneellihiwooyo. Amarettho va eyaalla yuullupalli nnatta noonnattanatta navettho eyaalla yuullupalli ya nnyallo noonnattanatta.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Aroma 6:19

Kinallota wonanko mmo muthu anallotelleeye wi mwiiwesese. Khalle mwahiivelleella wi mukhalle akaporo a machimo ni a ddoonanara wi mukhalle mu mitteko ddoonanara. Emoddamoddave yeeyo vano mwiivelleelle wi mukhalle akaporo oolungama wi mukhalle mu mitteko ddaweella.

Aroma 6:13

Naarittho muhiivelleelle nyookha o machimo wi muphare mutteko woonanara. Koma nyuwaano muvenyihiwe wa ookhwa wi mukhalle akumi, mwiivelleelle nyookha wa Mulluku navettho mwiivelleelle wa olliyooyo wi muphare mitteko ddoolungama.

Levitiko 14:28

Makhura oohalla m'mattani mwa mullupa mukuthooyo yaamare otthoka wa naaru noonnattanatta na muthu aneellihiwooyo navettho va eyaallaaye yuullupalli ya nnatta noonnattanatta naye. Amarettho va eyaallaaye yuullupalli ya nnyallo noonnattanatta, mvo amanreeyevo nikhame na enama yoovelleellella mukutho woolliva.

Aheberi 5:8

Naari aari Mwaana a Mulluku, aahuddera okhalla owiiwellella oweella mu ohoosiwa waye.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

1 Atesalonika 5:22

Nave muheereke erive yoonanara.

Eksodo 29:21

Okuse nikhame noohalla va nikuwa navettho makhura mamodda oozozella, ommidde Aroni ni ddoowara ddaye. Waamiddettho anaaye ni ddoowara ddiwa. Sika olliyooyo ni anaaye enaakhalle oopatuleya ni ddoowarannddo.

Levitiko 7:37

“Yaayo sika malamulo a mikutho ddittheddene, wooshellelliha, wa othu, woopepesella machimo, wa olliva, wa ozoza navettho wa eyaattano.

Levitiko 14:25

Vano ayiiphe enkhosa yoovelleellella mukutho woolliva. Mullupa mukutho akuse nimodda mwa nikhame na enama ya yoovelleelliwa mukutho woolliva ni onimara otthoka wa naaru noonnattanatta na muthu oyo aneellihiwooyo. Amarettho va eyaalla yuullupalli ya nnatta noonnattanatta navettho eyaalla yuullupalli ya nnyallo noonnattanatta.