Levitiko 8:22 - Mawu a Mulluku

²² Vano Mose aawaana nankhoro a enkhosa yaneepiilli yoomuzozella mullupa mukutho. Nave Aroni ni anaaye yaatthinddaanyera mattiiwa va muru wa enkhoseeyo.

Levitiko 8:22 ပူးပေါင်းရင်းမြစ်များ

Levitiko 8:2

“Omukuse Aroni ni anaaye. Okusettho ddoowara dda allupa mukutho, makhura oozozella, nankhoro a eng'ombe ya mukutho woopepesella machimo, anankhoro a enkhosa eelli navettho mutaanga wa buledi oohikhalla ni yisiti.

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Aefeso 5:25

Allopwananyu, mwaakondeke awarinyu wonanko mmo Khrisitu aakondelleeye mpingo nave aavelleella okumaaye ekaamba ya mpingooyo.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Levitiko 8:29

Nave aakusa ekhakadda ayitukhullella muddullu wi ekhalle yoovelleella yootukhullella muddullu wa Apwiya. Yeeyo tti embali ya Mose ya nankhoro a enkhosa yoomuzozella mullupa mukutho moollikana ni mmo Apwiya yamulamulelliiwa Mose.

Levitiko 7:37

“Yaayo sika malamulo a mikutho ddittheddene, wooshellelliha, wa othu, woopepesella machimo, wa olliva, wa ozoza navettho wa eyaattano.