Levitiko 8:2 - Mawu a Mulluku

² “Omukuse Aroni ni anaaye. Okusettho ddoowara dda allupa mukutho, makhura oozozella, nankhoro a eng'ombe ya mukutho woopepesella machimo, anankhoro a enkhosa eelli navettho mutaanga wa buledi oohikhalla ni yisiti.

Levitiko 8:2 ပူးပေါင်းရင်းမြစ်များ

Aheberi 7:27

Khanaphwanaphwana ni allupa mukutho uullupalli akhallaalla vawi khanapaallattho wi aheraatthiki mukutho nllapo ni nllapo wa machimwaaye vawaamba nave wa machimo a athu. Aaheraatthi mukutho omodda nave yooyo waari wa mallapo mattheene iiheraatthilleeye mwaneenaaye.

Eksodo 39:41

Yaawattho ni ddoowara ddaphaama wunchichi dda athu oorumeyella munipuroni noopatuleya navettho ddoowara ddoopatuleya dda Aroni ni dda anaaye wi ekhalle allupa mukutho.

Eksodo 28:40

Waasowelle anamwani a Aroni mikanjo, malaamba ni enduwira wi alliwaayo yooneyeke phaama navettho evahiweke olemu.

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Levitiko 6:10

Vano mullupa mukutho amuware kabudulaaye a bafuta owaaka mukanjwaaye wa bafuta nave awollevo ntuura na enama yooshellelliha vanikuwani ni onihella vakhwipi va nikuwa nenno.

Levitiko 8:1

Apwiya yaallota ni Mose wi,

Levitiko 8:3

Vano waatthukumanihe athu attheene va mullako wa musasa wamutthukumano.”

Levitiko 8:10

Vatulli viwa Mose aakusa makhura oozozella, azoza musasa wamutthukumano ni ddittheddene nnddo ddaari mwemmo nave aaddeelliha.

Levitiko 8:18

Vatulli viwa aavelleella nankhoro a enkhosa ya mukutho wooshellelliha nave Aroni ni anaaye yaatthinddaanyera mattiiwa va muru va enkhoseeyo.

Levitiko 8:22

Vano Mose aawaana nankhoro a enkhosa yaneepiilli yoomuzozella mullupa mukutho. Nave Aroni ni anaaye yaatthinddaanyera mattiiwa va muru wa enkhoseeyo.