Levitiko 8:13 - Mawu a Mulluku

¹³ Vano Mose aawaana anamwani a Aroni, aawariha malaya, aamakella laamba muyuununi, aawariha enduwira omuruni. Sika Mose aheera ddittheddene moollikana ni mmo Apwiya yamulamulalliiwa.

Levitiko 8:13 ပူးပေါင်းရင်းမြစ်များ

Yawuupullulla 5:10

Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 61:6

Koma muneerekoromolliwa allupa mukutho a Apwiya, muneerekeweeriwa oorumeyella a Mulluku. Muneerekoocha eyuuma ya mitundu ddimodda muneerekokotella ntitimiho niwa.

Masalimo 132:9

Allupa mukuthwaanyu ekhalle eechilungamo, oororomelleyaanyu ekhuwe moohakallalla.

Eksodo 40:13

Aronooyo omuwarihe ddoowara ddoopatuleya nave omuzoze ni omupatula wi ekhalle mullupa mukutho.

Levitiko 10:5

Sika yaasusera vakhuviru, yaatukhulla ookhwaayo eri m'mikanjoni mwiwa yaakhumihella otte wa misasa moollikana ni mmo Mose aalleellelleeye.

Ezekiele 42:14

Allupa mukutho yavollowa m'mapuroni aweella ehikhumemo oya o nthato na otte koma ehiyekemo ddoowara nndde enawariiwa yaarumeyellaka vawi tti ddoopatuleya. Enaphwanella eware ddoowara ddimodda ehinaphiye o mapuro a athu.’ ”

Eksodo 40:16

Mose aheera ddittheddene moollikana ni mmo Apwiya yamulamulelliiwa.

Levitiko 8:21

Vano ahuwalle marupo owaaka meto, aaddishellellihattho. Sika aashellelliha enama ettheeneeyo vanikuwani wi okhalle mukutho wooshellelliha, wa nthuko nawaaddivella Apwiya wawoosiwa viikho moollikana ni mmo alliwa yamulamulelliiwa Mose.