Levitiko 8:12 - Mawu a Mulluku

¹² Vano aamuzoza Aroni voohellani makhura vamuru vaye wi amweellihe.

Levitiko 8:12 ပူးပေါင်းရင်းမြစ်များ

Eksodo 30:30

Nave omuzoze Aroni ni anaaye ni waapatula wi ekhalle allupa mukutho.

Masalimo 133:2

Onakhalla wonanko makhura oowallamella mutengo oohelliwa va muru, ookitthella veereruni, ereru dda Aroni, aweetellella ophiyera mukohi mwa mukanjwaaye.

Eksodo 29:7

Sika okuse makhura oozozellaalle ni waahella vamuruni vaye wi omuzoze.

Levitiko 4:3

“Oochimooyo akhalla mullupa mukutho muullupalli sika oowutthattusa mpingo muttheene okhalla woochimwa. Vano aamuheraatthiki wa Apwiya nankhoro mung'onong'ono eeng'ombe yoohirakalla, ekaamba ya ochimwa wayenko. Yooyo sika mukutho woopepesella machimo.

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

Levitiko 7:36

Apwiya yahaalamulella Aisraele wi evelleelleke ddennddo wa allupa mukutho ovenyera nllapo nno yazoziwiiwa wi ekhalle embaliiwa wa mibado ddiwa ddittheddene.

Levitiko 8:30

Vano Mose aakusa makhura oozozellaalle ni nikhame nno naari vanikuwani, ammidda Aroni ni ddoowara ddaye navettho anaayaalle ni ddoowara ddiwa. Mmu tti mmo Mose amweellihelleeye Aroni ni ddoowara ddaye navettho anaaye ni ddoowara ddiwa.

Levitiko 10:7

Va enthawi yeella Muhinavenyavo va nthato na musasa wamutthukumano, woova wi munaakhwe vawi mwaazoziwa ni makhura a Apwiya.” Alliwa yaheera moollikana ni mmo Mose allotelleeye.