Levitiko 8:11 - Mawu a Mulluku

¹¹ Aamidda makhura mamodda olendo otthanu ni opiilli vanikuwani nave aazoza nikuwanno ni ezipangizo ddiwa ddittheddene nave aaddipatula. Aazozattho ebeseni yoonawellamo ni voohiyavo ebeseneeyo nave aaddipatula.

Levitiko 8:11 ပူးပေါင်းရင်းမြစ်များ

Tito 3:6

Mulluku aanimiminella Munepa Waweella mwawaata oweella mwa Yesu Khrisitu Oovullusaahu.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yesaya 52:15

Emoddamoddavettho athu a mitundu ddittheddene eneerottikhina, naari mamwene eneerorama yoollota, vawi ddeko ehinalleelliwekiiwa eneeroddoona, ddeko ehiniiwekiiwa eneeroddiiwesesa.”

Eksodo 30:29

Ddittheddenenndda oneeroddipatula mwawi ddiidda wi ddikhalle ddaweellihiwa wunchichi. Nave erive ello enaattannye ddenndda eneerewoonongeya ekaamba ya masiva a weella wiwa.

Eksodo 16:19

Mose ahaalleella wi, “Ahikhallevo anaasunge erive ello ophiyera ohinase.”

Eksodo 16:14

Nave nikamenno namallilliiwa, vatthi vatthevene va echipululu vahooneya ddeko ddooshashaalla wonanko nakhuttu.

Eksodo 4:17

Okuse ekopo eri m'mattani mwaweeyo nave wapharihe mutteko vaweerani ezizindikiro ddoottikhiniha.”

Eksodo 4:6

Apwiya yaamulleellattho Mose wi, “Ngavollochiha nnatta nawo m'mukanjonimmo.” Olliye aanivollochiha koma anikhumiheeye, naakhalla ni makate, naateellella wonanko ntuura.

Eksodo 29:36

Nllapo ni nllapo ovelleelleke nankhoro a eng'ombe oopepesella machimo. Nave ovelleelleke mukutho woopepesella machimo weelliha nikuwa nave onizoze wi nikhalle noopatuleya.

Eksodo 29:37

Wa mallapo matthanu ni meelli ovelleelleke mukutho woweellihella nikuwanno nave onipatuleke. Vatulli viwa nikuwanno nineerokhalla naweella wunchichi nave erive ello enaattannye nikuwanno eneerewoonongiwa ni masiva a weella wiwa.

Levitiko 4:6

Vano atthaveye eyaallaaye munikhameni nave amidde nikhamenno otthanu ni wiilli vamiitthoni va Apwiya vahoollo va ekatani ya nipuro naweellesesa.

Levitiko 4:17

Mullupa mukutho muullupallooyo atthaveye eyaallaaye munikhamenimmo nave amidde nikhamenno otthanu ni opiilli vamiitthoni va Apwiya vahoollo va ekatani.

Levitiko 14:16

Nave aruweye eyaallaaye ya m'mattani yoonnattanatta m'makhurani ayo eri munnattani naye nawuunyotthoni. Nave amidde makhuraayo ni eyaallaaye otthanu ni opiilli vamiitthoni va Apwiya.