Levitiko 7:5 - Mawu a Mulluku

⁵ Mullupa mukutho addishellellihe ddittheddenennddo vanikuwani wi ddikhalle mukutho wawoosiwa viikho, woovelleelliwa wa Apwiya. Yooyo sika mukutho woolliva.

Levitiko 7:5 ပူးပေါင်းရင်းမြစ်များ

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

Levitiko 3:16

Vano mullupa mukutho ashellellihe ddittheddenennddo vanikuwani wi okhalle mukutho wa othu, wawoosiwa viikho, wa nthuko nawaaddivella Apwiya. Makhura mattheene a enama tti a Apwiya.

Levitiko 2:16

Vano mullupa mukutho ashellellihe echigawo ya ddoosilleyanndde ni ya makhura navettho lubanaaye muttheene, wooniha wi mukutho muttheenooyo woovelleelliwa wa Apwiya. Yooyo tti mukutho wawoosiwa viikho, woovelleelliwa wa Apwiya.

Levitiko 2:9

Vaavo mullupa mukuthooyo akusewo echigawo emodda wooniha wi mukutho muttheenooyo woovelleelliwa wa Apwiya, vano awushellellihe vanikuwani. Yooyo sika mukutho wawoosiwa viikho, wa nthuko nawaaddivella Apwiya.

Levitiko 2:2

nave aweena wa anamwani a Aroni. Mmodda a alliwaayo avahulle nnatta nimodda na othu woottakanyihera ni makhura nave amukusettho lubanaaye muttheene. Vano mullupa mukutho ashellellihe ddennddo vanikuwani, wooniha wi mukutho muttheenooyo woovelleelliwa wa Apwiya, wawoosiwa viikho, wa nthuko nawaaddivella Apwiya.

Levitiko 1:13

Koma muthooyo ahuwe marupo ni meto ddene. Nave mullupa mukuthooyo, ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.

Levitiko 1:9

Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Levitiko 5:7

“Koma muthu aahikhallana enkhosa apaalle epuri, akuse manddiya meelli apaalle mawunda meelli wi ddikhalle mukutho woovelleelliwa wa Apwiya woopepesella machimo. Emodda ekhalle mukutho woopepesella machimo nave emoddeeyo ekhalle mukutho wooshellelliha.

Levitiko 7:4

Aakusettho apellepetu ni makhuriiweene navettho makhura mattheene a ohapa, ayo anaavenyihelleeye nimodda ni apellepetwaalle.

Levitiko 7:6

Arive mullopwana a mwa allupa mukutho ttuuchana. Ayichelle vanipuroni naweella. Yooyo tti mukutho waweella wunchichi.

Levitiko 3:3

Vano vamukuthoni wa eyaattanooyo, muthooyo akuse makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya.