Levitiko 7:35 - Mawu a Mulluku

³⁵ Yeeyo tti embali ya Aroni ni anaaye, yoovahulla va mikutho dda Apwiya ddawoosiwa viikho, va nllapo nno alliwa yatthoolliwiiwa wi ekhalle mullupa mukutho owaarumeyella Apwiya.

Levitiko 7:35 ပူးပေါင်းရင်းမြစ်များ

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

2 Akorinto 1:21

Tti Mulluku oyo anikeraatthihalle hiyaano ni nyuwaano mu eyaattano ni Khrisitu. Tti Mulluku yooyo anizozille,

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Yesaya 10:27

Nllapo nenno kineerewuurullani katundu a Aasiriya va mathurini vanyu ni nigoli* niwa munikohini mwanyu nave nigolinno nineerewunttakeya ekaamba ya oneneva.”

Levitiko 8:30

Vano Mose aakusa makhura oozozellaalle ni nikhame nno naari vanikuwani, ammidda Aroni ni ddoowara ddaye navettho anaayaalle ni ddoowara ddiwa. Mmu tti mmo Mose amweellihelleeye Aroni ni ddoowara ddaye navettho anaaye ni ddoowara ddiwa.

Eksodo 29:21

Okuse nikhame noohalla va nikuwa navettho makhura mamodda oozozella, ommidde Aroni ni ddoowara ddaye. Waamiddettho anaaye ni ddoowara ddiwa. Sika olliyooyo ni anaaye enaakhalle oopatuleya ni ddoowarannddo.

Eksodo 29:7

Sika okuse makhura oozozellaalle ni waahella vamuruni vaye wi omuzoze.

Eksodo 29:1

“Voomuzozani Aroni ni anaaye wi ekhalle allupa mukutho, okuse nankhoro a eng'ombe ni anankhoro a enkhosa eelli oohirakalla.

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.