Levitiko 7:30 - Mawu a Mulluku

³⁰ akusewo embali dda mukutho wawoosiwa viikho, woovelleella wa Apwiya. Akusettho makhura ni ekhakaddeene mootukhullella muddullu wa Apwiya wi okhalle yoovelleella yootukhullella muddullu wa Apwiya.

Levitiko 7:30 ပူးပေါင်းရင်းမြစ်များ

Numeri 6:20

Vano mullupa mukuthooyo avelleelle mootukhullella muddullu wi ddikhalle yoovelleella yootukhullella muddullu wa Apwiya. Ddenndda tti ddoopatuleya dda mullupa mukutho ni ekhakadda owaaka mweto wamutulli ddoovelleelliwa mootukhullella muddullu. Sika vano munazirooyo ttuumuwirya vinyo wiilli.

Levitiko 3:14

Vano vamukuthoni wa eyaattanooyo, muthooyo akuse makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya

Levitiko 3:9

Vano vamukuthoni wa eyaattanooyo, muthooyo akuse makhura mattheene a mwiilla woophaddiwa vakhuviru ni mutthana owaakattho makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Yohane 10:18

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Levitiko 9:21

Vano Aroni aatukhullella muddullu ekhakaddeeyo ni mweto wamutulli wi ddikhalle ddoovelleella ddootukhullella muddullu vamiitthoni va Apwiya moollikana ni mmo Mose aalamulelleeye.

Levitiko 8:27

aaddihiya m'mattani mwa Aroni ni mwa anaaye, additukhullella muddullu wi ddikhalle yoovelleella yootukhullella muddullu wa Apwiya.

Levitiko 8:29

Nave aakusa ekhakadda ayitukhullella muddullu wi ekhalle yoovelleella yootukhullella muddullu wa Apwiya. Yeeyo tti embali ya Mose ya nankhoro a enkhosa yoomuzozella mullupa mukutho moollikana ni mmo Apwiya yamulamulelliiwa Mose.

Levitiko 10:14

Koma ekhakadda yoovelleella mootukhullella muddullu ni mweto wamutulli woovelleelliwa, muddichelle vanipuroni noopatuleya weyaano ni anaawo aallopwana ni aatthiyaneene ayo eri ni weyaano. Ddenndda ddoovahiwa wa weyaano wi ddikhalle ddaawo ni anaawo ovenyera va mikutho ddeeyaattano nnddo ddivelleelliwe ni Aisraele.

Numeri 8:11

Vatulli viwa Aroni aavelleelle Alevaayo vamiitthoni va Apwiya wi ekhalle wonanko yoovelleella yootukhullella muddullu ya Aisraele. Mitteko dda Alevi ddikhalle ddawaarumeyella Apwiya.

Levitiko 9:20

Anamwanaayo yaahiya makhura va ekhakadda nave Aroni ahaashellelliha makhuraayo vanikuwani.

Levitiko 10:15

Kasambara, ekhakadda ni mukutho wamakhura awoosiwa viikho odditukhullelle muddullu wi ekhalle yoovelleella yootukhullella muddullu vamiitthoni va Apwiya. Ddenndda ddikhalle ddaawo ni edduullu ddawo ddeellopwana wa enthawi yoohimalla moollikana ni mmo Apwiya yalamulelliiwa.”

Deuteronomo 18:3

Nave ddoophwanella waakhella allupa mukutho ovenyera wa athu ayo enavelleella eng'ombe apaalle enkhosa tti enama ya mweto wamuhoollo, ya m'maramani ni nihu.