Levitiko 7:19 - Mawu a Mulluku

¹⁹ Erive ello eyo enattannya ello yooripihiwa, ehichiwe koma eshellellihiwe. Koma arive muthu oyo eellihiwe ayiche enama ya mukuthooyo.

Levitiko 7:19 ပူးပေါင်းရင်းမြစ်များ

Tito 1:15

Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Aroma 14:20

Muhoononge mutteko wa Mulluku ekaamba ya yoocha. Erive yoocha tti yaphaama koma tti olakwa ocha ello enaaweeriha asinnihu ni arokorihu ochimwa.

Aroma 14:14

Ekaamba ya eyaattano ni Apwiya Yesu koodduwella nave koosimikiza wi kheyiivo ello yoonanara mwaweekhiiwa koma enakhalla yoonanara muthu ayiganizera wi tti yoonanara.

Mitteko 10:28

Allota wi, “Nyu nyookha munnadduwella phaama wi Muyuda khanaakhullelliwa ni malamulwaaye oweetella apaalle waattana ni athu ayo ehiri Ayuda. Koma Mulluku ookooniha miyaano wi kihimweere arive muthu oonanara apaalle ooheellihiwa.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Levitiko 6:27

Arive muthu oottannya mukuthooyo aneerewoonongiwa ekaamba ya masiva a weella wa mukuthooyo. Vano nikhame niwa namorella va yoowara, achape yoowareeyo vanipuroni noopatuleya.

Levitiko 7:18

Muthu ayicha enama ya mukutho wa eyaattanooyo va nllapo naneeraru, Mulluku khemwaakhella oyo awuvelleellooyo. Nave mukuthooyo khophura ello koma onaakhalle ello yooripihiwa nave oyo anaachooyo aneerophwanella ollakiwa.

Levitiko 7:20

Koma oyo aripihiwe ayicha enameeyo, avenyihiwe variyari va Aisraele.