Levitiko 7:18 - Mawu a Mulluku

¹⁸ Muthu ayicha enama ya mukutho wa eyaattanooyo va nllapo naneeraru, Mulluku khemwaakhella oyo awuvelleellooyo. Nave mukuthooyo khophura ello koma onaakhalle ello yooripihiwa nave oyo anaachooyo aneerophwanella ollakiwa.

Levitiko 7:18 ပူးပေါင်းရင်းမြစ်များ

Numeri 18:27

Nave yoovelleellaanyu eneeroweerengelliwa wonanko tirigu awaamba vanipuroni nawuuputhella navettho vinyo awaamba vanipuroni noomuwamullella.

Levitiko 22:25

Nave muhivelleelle erive enama ya mutundu yoolla eyo muyaakhenlleenyu wa mulleto wi okhalle mukutho wa yoocha woovelleelliwa wa Apwiya. Ddenndda kheddaakhella vawi ddoorakalla.”

Levitiko 11:41

“Erive ello yawaapadda, muhiyicheke.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.

Aroma 4:11

Aphaddiwe wi ekhalle echizindikiro ya olungamihiwa ekaamba ya echikhulupililo eyo aariiyena ahinaphaddiwe. Yoolinga yaari yawi akhalle nikhollo na athu attheene oohiphaddiwa koma enamukhulupilila Mulluku nave awaakhullelliwa ni Mulluku wi tti oolungama.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Malaki 1:13

Ngoonani, munallotattho wi, ‘Ddenndda tti ddootopiha!’ Nave munnanyemulla. Munavelleella enama yawiiya apaalle yoorakalla apaallettho yoovoriiwa. Ethiyo munaganiza wi miyaano ttuuddaakhella ovenyera wa nyuwaano?

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Amosi 5:22

Naari muvelleelle mikutho ddanyu, ddooshellelliha navettho dda ddoocha mi ngiddaakhullella. Mikutho ddanyu dda eyaattano dda eng'ombe ddooneneva ngiddiweha naari vang'ono.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Ezekiele 18:20

Muthu anaakhwe tti oyo achimwalle. Mwaana khakhwella machimo a attiitthinnya nave attiitthi khekhwella machimo a mwaniwa. Muthu oolungama aneerohata dda echilungamwaaye. Muthu oonanara aneerohata ddoonanara ddaye.”

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Yesaya 65:4

Mahiiyu ennaseddera o mahame ni o mapuro awiipittheya nave ennacha enama ya ekumba ni owirya ephwaddi ya enama ddoovelleelliwa mikutho ddeelleto.

Levitiko 22:23

Ttuuvelleella enama eyo erakamille apaalle ekhuveyille mweto mmodda wakhalla mukutho wa opaalla waye koma wakhalla mukutho woollupella tti woohaakhullelliwa.

Levitiko 22:16

Ahaachimwihe ni waattatthamullella Aisraelaayo voowaakhullellani ocha ddoocha ddoopatuleya. Mi tti Apwiya ayo enaddipatula.”

Levitiko 20:19

Muhinamurulla mwanamunniwa a amennyu apaalle murokoriwa a attiitthaanyu vawi wenko tti omurulla mbalaanyu. Eelliinaayo eneerophwanella ollakiwa.

Levitiko 20:17

“Muthu amutthella murokoriye, mwaana aamutthiyana a attiitthinnya apaalle mwaana aamutthiyana a amennya, eelliinaayo aheera ello yoowulliha muru, vano attheenaayo evenyihiwe vamiitthoni va Aisraele attheene. Kaambiiwa kheyiiwellelle malamulo yaalla nave eneerollakiwa.

Levitiko 17:16

Koma aahichapa ddoowara ddaye nave aahihapa aneerophwanella ollakiwa.”

Levitiko 10:19

Nave Aroni aamulleella Mose wi, “Ngoonani, ollello athu aavelleella mukuthwiiwa woopepesella machimo ni mukuthwiiwa wooshellelliha vamiitthoni va Apwiya. Komave ddeko ddawoopiha ddawi ddiidda ddookeereyella miyaano. Vano kachilleke mukutho woopepesella machimo ollello, ethiyo Apwiya yaaweerohakallalla?”

Levitiko 10:17

“Kaambiiwa tini muhichenlleenyu mukutho woopepesella machimo vanipuroni noopatuleya? Tti waweella wunchichi nave Apwiya yahuuvahani wi muvenyihelleke machimo a Aisraele attheene, mweerelleke mutetho wawaapepesella machimo vamiitthoni va Apwiya.

Levitiko 5:17

“Muthu achimwa vaweerani moohidduwella ello yoovaanyihiwa ni malamulo a Apwiya, muthu yooyo oochimwa nave tti oophwanella ollakiwa.

Levitiko 7:19

Erive ello eyo enattannya ello yooripihiwa, ehichiwe koma eshellellihiwe. Koma arive muthu oyo eellihiwe ayiche enama ya mukuthooyo.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Levitiko 19:5

“Mwaavelleellaka mukutho wa eyaattano wa mi Apwiya, mweereke ddawi mukuthwaanyu waakhullelliwe.