Levitiko 6:25 - Mawu a Mulluku

²⁵ aalleelle Aroni ni anaaye wi, “Malamulo a mukutho woopepesella machimo tti awi, vanipuroni mvo viniiphelliwa enama ya mukutho wooshellelliha, yiiphellevottho enama ya mukutho woopepesella machimo wa Apwiya. Yooyo tti mukutho waweella wunchichi.

Levitiko 6:25 ပူးပေါင်းရင်းမြစ်များ

Levitiko 4:24

Vano oolamulellooyo atthinddaanyere nnatta naye va muru va nankhoro a epuri ni omwiiphella vanipuroni mvo eniiphelliiwa mukutho wooshellelliha vamiitthoni va Apwiya. Yooyo sika mukutho woopepesella machimo.

Levitiko 1:11

Nave ayiiphelle ompoto wa nikuwa vamiitthoni va Apwiya, vano anamwani a Aronaayo yiithe nikhame vanikuwanimvo moowaapheella.

Levitiko 4:29

Vano atthinddaanyere nnatta naye va muru wa epuri yoopepesella machimweeyo nave ayiiphella vanipuroni mvo eniiphelliiwa mukutho wooshellelliha.

Levitiko 1:5

Vatulli viwa ayiiphe vamiitthoni va Apwiya nave anamwani a Aroni evelleelle nikhame na eng'ombenno voowiithani moowaapheella nikuwa nno niri va mullako wa musasa wamutthukumano.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Levitiko 6:17

“Voowaapeyani ehimuhellemo yisiti. Apwiya aatthoolla ddoohallannddo wi ddikhalle echigawiiwa ya mukutho wawoosiwa viikho. Ddittheddenennddo tti ddaweellihiwa wunchichi wonanko mukutho woopepesella machimo navettho mukutho woolliva.

Levitiko 21:22

Koma ttuucha ddoocha ddoovelleelliwa wa Mullukwaaye, buledi oopatuleya ni ddoocha ddoopatuleya ddoohalla dda mukutho.

Levitiko 6:24

Apwiya yaallota ni Mose wi

Levitiko 6:29

Arive mullopwana a mwa allupa mukutho ttuuchana. Yooyo tti mukutho waweella wunchichi.

Levitiko 7:7

Mukutho woolliva tti woophwanaphwana ni mukutho woopepesella machimo nave mikutho miillinndda ddookhalla ni lamulo nimoddave. Enameeyo enaakhalle ya mullupa mukutho ooheraatthi mukutho woopepesella machimooyo.

Ezekiele 42:13

“Vano muthoolle aakilleella wi, ‘Ezipinda ddoompoto ni ddoomwera ddoowehana ni nikhote tti ddaweella. Allupa mukutho ookhalla vakhuviru ni Apwiya ennachellamo ddoovelleella ddoopatuleyesesa. Mwemmo eneerekohellamo ddoovelleella ddenndda vamodda ni ddoovelleella dda yoocha, mikutho ddoopepesella machimo ni mikutho ddoolliva nipuronno tti naweella.