Levitiko 6:2 - Mawu a Mulluku

² aalleelle Aroni ni anaaye wi, “Muthu eera ddeko moohiroromelleya, vawaachimwellani Apwiya ekaamba ya omulleka mukhwaaye vookhootani omuhokollosella nnddo amusungenlleeye apaalle omwiiyera apaalle omoottottha,

Levitiko 6:2 ပူးပေါင်းရင်းမြစ်များ

Akolose 3:9

Muhilleellaneke ddawoottha vawi moorulla makhallellwaanyu akhalle vamodda ni mitteko ddiwa

Mitteko 5:4

Ohinakullihe emateeyo yaari yaawo nave oyikullihalle makobiraayo yaari aawo. Kaambiiwa tini, waganizalleewe weera ello yeella? Khowoottotthille athu koma omoottotthille Mulluku!”

Miyambo 24:28

Ohinakhalla mboni oomuvaanyiha mukhwaawo vihiri ekaamba. Vayanoni vawo vihilloteko ddoolleka.

Levitiko 19:11

“Muhiiye, muhilleke nave muhootthe.

Levitiko 5:15

“Muthu eera ddeko moohiroromelleya, voohivelleellani ddeko ddoopatuleya ddoophwanella ovelleella wa Apwiya koma moohidduwella, avelleelle wa Apwiya mukutho woolliva ekaamba ya nichimo nayenno. Mukuthweene okhalle nankhoro a enkhosa yoohirakalla nave mutengo wa enkhoseeyo okhalle wa makobiri manchichi, voothwarani yoolingella yoopatuleya. Yooyo sika mukutho woolliva.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Habakuku 1:13

Nyu a miittho aweella, oohittumera ello yoonanara apaalle yookatamiha. Munamuttumerella tini muthu oolleka? Muneerella tini ellapo tuu oonanara yaamumiryaka oolungama wamukhwaranya alliwa?

Amosi 8:5

muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,

Yeremiya 9:5

Arive muthu anamoottottha mukhwaaye, khanallota ddawoona. Eyano ddiwa yaaddiddollweelliha woottha, ennaddivelliwa wunchichi ddoonanara sika wi kheworattho olapa.

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Yesaya 24:16

Ovenyera o ellapo ddawoorekama ninniiwa machipo oomutitimiha, oomuthokoza Oolungama. Koma miyaano kooheruwa, kooheruwa! Otulli wookummellella! Awoottha ennootthave nave woottha wiwa onnoonjerereya.

Yesaya 21:2

Kohoona masomphenya awoopiha awi awoottha ennootthave nave awaakha ennaakhave. Akhoto a o Elamu, ambani ekhoto! Akhoto a o Mediya, apheellani muzinda! Mi Apwiya kineeromalliha ddookatamiha ddittheddene ddawiille ni Babiloni.

Miyambo 26:19

tti mmo aneerella muthu oyo anamulleka mukhwaaye annallota wi, “Kinimasellulla.”

Masalimo 51:4

Kohuuchimwellani nyuwaano, nyuwaano nyookha, koheera ddoonanara vamiitthoni vanyu. Wi mukhalle oolungama vaweeruzani, mukhallettho aweella vaweeruzani vookamullani mullatwaaka

Levitiko 5:19

Yooyo sika mukutho wa olliva, ekaamba yawi muthooyo oochimwa vamiitthoni va Apwiya.”

Genesis 26:7

Athu a wenko emukohille dda mwaariye, Isaki aallota wi, “Olla tti murokoraka.” Nave oova allota wi, “Tti mwaaraka,” athu a wenko ttuumwiipha wi amutthelle Rebeka vawi aari ooreera wunchichi.

Levitiko 6:1

Apwiya yaallota ni Mose wi

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Ezekiele 40:46

Echipinda yooweha ompotweella tti ya allupa mukutho oorumeyella nikuwa. Allupa mukutho attheene, edduullu dda Zadoki tti yaayove mwa edduullu dda Levi ayo enaaphiyeke vakhuviru wi yaarumeyelleke Apwiya.”